मुक्कामी बसने अचानक घेतला पेट; आतमध्ये झोपलेल्या चालक-वाहकाने खिडकीतून घेतली उडी
By संदीप शिंदे | Published: January 8, 2024 06:14 PM2024-01-08T18:14:24+5:302024-01-08T18:15:24+5:30
गाढ झोपेत असलेल्या वाहक व चालकाने बसच्या खिडकीतून उड्या मारून आपला जीव वाचवला.
मुक्कामी बसने अचानक घेतला पेट; आतमध्ये झोपलेल्या चालक-वाहकाने खिडकीतून घेतली उडी
जळकोट : उदगीर आगाराची उदगीर-उमरदरा मुक्कामी बसला रविवारी मध्यरात्री दीडच्या सुमारास अचानक आग लागल्याने जळून खाक झाली. वाहक व चालकाने प्रसंगवधान राखत गाडीतून उड्या मारून आपला जीव वाचवला.
उदगीर-उमरदरा ही उदगीर आगाराची एमएच २० बीएल १४५४ क्रमांकाची बस उमरदरा येथे मुक्कामाला असते. रविवारी रात्री साडेनऊ वाजता बस उमरदरा गावाजवळ आल्यानंतर अचानक बंद पडली. त्यामुळे बसमधील प्रवासी गेल्यानंतर वाहक व चालकांनी गाडीतच मुक्काम केला. मात्र, अचानक रात्री दीडच्या सुमारास लाईट बंद-चालू होऊन स्पार्किंग झाल्याने बसला आग लागली.
गाढ झोपेत असलेल्या वाहक व चालकाने बसच्या खिडकीतून उड्या मारून आपला जीव वाचवला. या आगीत बस जळून खाक झाली. वाहक व चालकाने डेपो व पोलीस ठाण्याशी संपर्क साधून अग्निशामक दलाची गाडी बोलावली. अग्नीशमन दलाने आग आटाेक्यात आणली. मात्र, तोपर्यंत बस जळून खाक झाली. त्यामुळे मोठे नुकसान झाले आहे.