पित्यासाेबत वाढदिवसाचा केक घेवून जाणाऱ्या मुलीला चिरडले! 

लातुरातील बारा नंबर पाटी रेल्वे गेटनीजक अपघात...

राजकुमार जाेंधळे / लातूर : वाढदिवस असल्याने आपल्या पित्यासाेबत केक घेवून घराकडे जाणाऱ्या दुचाकीला भरधाव दुचाकीने जाेराची धडक दिली. या अपघातात पाठीमागे केक घेवून बसलेली मुलगी अन्नू (वय १३) राेडवर फेकली गेली. दरम्यान, ती ट्रॅक्टरच्या ट्राॅलीखाली आल्याने जागीच ठार झाली. हा अपघात बारानंबर पाटी रेल्वे गेटनजीक घडला. याबाबत एमआयडीसी पाेलिस ठाण्यात गुन्हा दाखल करण्यात आला आहे.

पाेलिसांनी सांगितले, जवानाराम मंगळराम जाट (वय ४६ मु. हानुद्वारा पाे. साेनाहिया ता. फुलाेरा जि. जयपूर, राजस्थान) हे लातुरातील सीआरपीएफ कॅम्पमध्ये पाेलिस निरीक्षक पदावर कार्यरत आहेत. ते आपल्या मुलीचा वाढदिवस साजरा करण्यासाठी रात्री ७ वाजण्याच्या सुमारास दुचाकीवरुन (एम.एच. २४ ए.सी. ९६४४) मुलीला घेवून लातूर शहरात केक आणण्यासाठी आले हाेते. ते केक घेवून घराकडे निघाले असता, बारानंबर पाटी रेल्वेगेटनजीक समाेरुन आलेल्या भरधाव दुचाकीने (एम.एच. २४ बी.क्यू. २३५९) त्यांच्या दुचाकीला जाराेची धडक दिली. यावेळी पाठीमागे बसलेली मुलगी रस्त्यावर फेकली गेली. ती ट्रॅक्टरच्या ट्राॅलीखाली (एम.एच. २४ बी.एल. २१७७) आल्याने जागीच ठार झाली. याबाबत एमआयडीसी पाेलिस ठाण्यात दुचाकी चालक वसीम उस्मान शेख (वय २३ रा. भाेईसमुद्रगा ता. जि. लातूर) याच्याविराेधात गुन्हा दाखल केला आहे.

वाढदिवसादिवशीच अन्नूला मृत्यूने गाठले...

अन्नूचा वाढदिवस असल्याने पिता जवानाराम जाट हे आपल्या मुलीला घेवून केक आणण्यासाठी दुचाकीवरुन लातुरात आले हाेते. दरम्यान, केक घेवून ते परत घराकडे जाताना सीआरपीएफ कॅम्पनजीक दुचाकीचा भीषण अपघात झाला. या अपघातात अन्नूला वाढदिवसादिवशीच मृत्यू गाठले. हृदय पिळवटून टाकणाऱ्या या घटनेने मात्र अनेकांच्या मनला चटका लावला आहे.

पाच मिनिटांच्या अंतरावरच हाेते घर...

वाढदिवस असल्याने पित्यासाेबत दुचाकीवर हातात केकचा बाॅक्स घेवून पाठीमागे बसलेल्या अन्नूचा समाेरुन आलेल्या भरधाव दुचाकीने घात केला. अचनाकपणे जाेराने धडक दिल्याने बेसावध असलेली अन्नू रस्त्यावर फेकली गेली. डाव्या बाजून जाणाऱ्या ट्रॅक्टरच्या ट्राॅली आल्याने ती ठार झाली. अवघ्या पाच मिनिटांच्या अंतरावर घर हाेते, मात्र काळाने तिच्यावर असा घाला घतला.