दोन अपघातांत १५ बळी

राज्यात दोन ठिकाणी शनिवारी लग्नाच्या वºहाडाला झालेल्या अपघातांमध्ये १५ जणांचा मृत्यू झाला.

नांदेड/जळगाव : राज्यात दोन ठिकाणी शनिवारी लग्नाच्या वºहाडाला झालेल्या अपघातांमध्ये १५ जणांचा मृत्यू झाला. लातूर जिल्ह्यातील वºहाडी मंडळी नांदेड जिल्ह्यातील मुखेड येथे सकाळी लग्नासाठी जात होते. जांबजवळ टेम्पोला अपघात होऊन १० जण ठार तर १८ गंभीर जखमी झाले.
लातूरमधील औसा तालुक्यातील खरोसा येथील लक्ष्मण कोंडिबा नारंगे याचा विवाह मुखेड आज दुपारी होणार होता. तीन टेम्पोमधून वºहाड जात होते. एका टेम्पोला टँकरने टक्कर दिली. त्यात वºहाडी खाली पडले. तो टेम्पो त्यांच्या अंगावरून गेला.
दुसऱ्या घटनेत लग्नसमारंभ आटोपून धुळ्याहून पाचोरा (जि. जळगाव) येथे जाणाºया वºहाडींच्या कारला ट्रकने टक्कर दिली. त्यात पाच जण ठार, तर तीन जण जखमी झाले. लोहारी येथील वाणी कुटुंब धुळ्याला लग्नास गेले होते. पहाटे चार वाजता दळवेल येथे चुकीच्या दिशेने आलेला ट्रक त्यांच्या कारवर आदळला.