मेहुण्यांकडून अतिप्रसंग झाल्यानंतर १६वर्षीय मुलीची आत्महत्या
By Admin | Published: April 6, 2017 08:38 PM2017-04-06T20:38:36+5:302017-04-06T20:38:36+5:30
बलात्कार करणाऱ्या मेहुण्याच्या त्रासाला कंटाळून आणि बहिणही त्यालाच पाठिशी घालत असल्याच्या कारणावरुन एका १६वर्षीय मुलीने गळफास घेऊन मृत्यूला कवटाळले
मेहुण्यांकडून अतिप्रसंग झाल्यानंतर १६वर्षीय मुलीची आत्महत्या
Next औरंगाबाद, दि. 6 : बलात्कार करणाऱ्या मेहुण्याच्या त्रासाला कंटाळून आणि बहिणही त्यालाच पाठिशी घालत असल्याच्या कारणावरुन एका १६वर्षीय मुलीने गळफास घेऊन मृत्यूला कवटाळले. ही खळबजनक घटना ६एप्रिल रोजी सकाळी ९ वाजेच्या सुमारास गारखेडा परिसरातील भारतनगर येथे घडली.
छाया दिलीप जाधव(१६ )असे आत्महत्या केलेल्या मुलीचे नाव आहे. याविषयी अधिक माहिती देताना पुंडलिकनगर पोलीस ठाण्याचे निरीक्षक अशोक मुदीराज यांनी सांगितले की, छायाच्या लहानपणीच तिची आई मृत झालेली आहे. तिच्या वडिलाने दुसरा विवाह केलेला असून तो अंबड तालुक्यातील गावी राहतात. पीडितेला दोन बहिणी आणि एक भाऊ आहे. भाऊ सातारा तांडा येथे मामाकडे तर लहान बहिण गावी वडिलासोबत राहते. विवाहित मोठी बहिण आणि मेहुणा भारतनगर येथे राहतात. तीन ते चार वर्षापासून पीडिता शिक्षणासाठी भारतनगर येथे त्यांच्याकडे राहात होती.
पीडिता वयात आल्याचे समजताच मेहुण्याची वाईट नजर तिच्यावर पडली. काही दिवसापूर्वी त्याने तिच्यावर अतिप्रसंग केला. मेहुण्याने केलेल्या या अत्याचारामुळे पीडिता प्रचंड घाबरली. रडतच तिने ही घटना तिच्या मोठ्या बहिणीला सांगितली. सख्या लहान बहिणीवर पतीने घरातच अत्याचार केला ही बाब जर पोलिसांपर्यंत गेली तर आपला संसार तुटेल, याभीतीपोटी तिने उलट छायालाच शिव्या देत मारहाण केली. लहानपणीच आईचे छत्र हरवले. आईसमान मोठ्या बहिणीनेची आपल्याला समजून न घेता मारहाण केल्याने छायाच्या मनाला खोलवर ईजा झाली. तिने याविषयी एक चिट्टी लिहिली आणि गळफास घेऊन आत्महत्या केली.
आज सकाळी ९ वाजेच्या सुमारास छायाने गळफास घेतल्याचे लक्षात आल्यानंतर पुंडलिकनगर पोलिसांना घटनेची देण्यात आली. पोलीस निरीक्षक अशोक मुदीराज, उपनिरीक्षक मिरधे आणि कर्मचाऱ्यांनी घटनास्थळी धाव घेऊन छायाचे प्रेत घाटीत हलविले. घटनास्थळी मिळालेली चिट्टी पोलिसांनी जप्त केली. पोलिसांनी मेहुण्याला ताब्यात घेतले असून याप्रकरणी पुंडलिकनगर पोलीस ठाण्यात अकस्मात मृत्यूची नोंद करण्यात आल्याची माहिती सहायक पोलीस निरीक्षक अशोक आव्हाड, पोलीस कर्मचारी गणेश डोईफोडे आणि मुंढे यांनी दिली. आरोपी मेहुण्याविरुद्ध गुन्हा नोंदविण्यासाठी अद्याप तक्रारदार आला नसल्याचे पोलिसांनी सांगितले.