दगडूशेठ हलवाई गणपतीसमोर 21 हजार महिलांनी केले अथर्वशीर्ष पठण

पुणे, दि. 26 -  पुण्याचा अधिपती  दगडूशेठ गणपतीच्या जयघोषात सुमारे 21 हजार महिला सहभागी होऊन श्रीमंत दगडूशेठ हलवाई गणपती मंडळाने आयोजित केलेल्या अथर्वशीर्ष पठनाने संपूर्ण वातावरण भक्तिमय होऊन गेले.

दरवर्षीप्रमाणे यंदाही अथर्वशीर्ष पठणाचा कार्यक्रमाचे आयोजन करण्यात आले होते. शंख निनादाने कार्यक्रमाची सुरुवात करण्यात आली. गेली २९ वर्षचालू असलेल्या या अथर्वशीर्ष पठणाच्या कार्यक्रमाचे यंदा ३० वे वर्ष आहे. प्रत्येक महिलेला ट्रस्टच्या वतीने उपरण, बॅच तसेच प्रसाद देण्यात आला. सुमारे 21 हजार महिलांच्या उपस्थितीत आणि गणेशाच्या जय घोषात संपुर्ण वातावरण भक्तिमय झाले होते. जय गणेश, जय गणेश च्या घोषणा देत महिला मोठ्या प्रमाणावर प्रतिसाद देत होत्या. 

मंडळाचे सर्व पदाधिकारी तसेच संयोजक यांनी कार्यक्रमाची नियोजन उत्तम प्रकारे केले होते. महिलांबरोबरच लहान मुले, ज्येष्ठ व्यक्ती, व पुरुष मंडळी या अथर्वशीर्ष पठणात सहभागी झाले होते. यावेळी  माजी राष्ट्रपती प्रतिभाताई पाटील, महापौर मुक्ता टिळक,  अशोक गोडसे, आणि मंडळाचे सर्व पदाधिकारी उपस्थित होते.

{{{{dailymotion_video_id####x845a9v}}}}