पुणे-बंगळुरू महामार्गावर बसला भीषण अपघात, ३ ठार

पुणे- बंगळुरू महामार्गावर एका खासगी बस डिव्हायडरला धडकून झालेल्या अपघातात ३ ठार तर ७ जखमी झाले.

ऑनलाइन लोकमत

सांगली, दि. २१ - पुणे- बंगळुरू महामार्गावर एका खासगी बसला झालेल्या भीषण अपघातात ३ जण ठार तर ७ जण जखमी झाले आहेत. मुंबईहून इचलकंरजीच्या दिशेने जाणा-या एका खासगी ट्रॅव्हल्सची बस सांगली-पुणे-बंगळुरू महामार्गावर नेर्लेनजीक भिवर्गी मळा येथील दुभाजकाला धडकून उलटली. चालकाचे बसवरील नियंत्रण सुटल्याने बस डिव्हायडरला धडकून हा अपघात झाला. या अपघातात ३ जण ठार तर ७ जण जखमी झाले असून त्यांच्यावर राजारामबापू रुग्णालयात उपचार सुरू आहेत.