राज्यात २,३६९ ग्रामपंचायतींत ७४ टक्के मतदान, आज मतमोजणी पार पडणार
By ऑनलाइन लोकमत | Published: November 6, 2023 06:43 AM2023-11-06T06:43:53+5:302023-11-06T06:44:09+5:30
नक्षलग्रस्त भाग वगळता अन्य ग्रामपंचायतींची सोमवारी मतमोजणी पार पडणार आहे.
राज्यात २,३६९ ग्रामपंचायतींत ७४ टक्के मतदान, आज मतमोजणी पार पडणार
मुंबई : राज्यातील २ हजार ३६९ ग्रामपंचायतींमधील २ हजार ९५० सदस्यपदे, तसेच १३० सरपंचपदांसाठी रविवारी सकाळी साडेसात ते सायंकाळी साडेपाचपर्यंत मतदान पार पडले. काही ग्रामपंचायतींत बिनविरोध निवडणूक झाली असली तरी या निवडणुकीत सरासरी ७४ टक्के मतदान झाल्याचा अंदाज निवडणूक आयोगाने वर्तविला आहे. नक्षलग्रस्त भाग वगळता अन्य ग्रामपंचायतींची सोमवारी मतमोजणी पार पडणार आहे.
गडचिरोली, गोंदियात मतमाेजणी ७ राेजी
गडचिरोली आणि गोंदिया या नक्षलग्रस्त भागांत सकाळी साडेसात ते दुपारी तीन या कालावधीत मतदान प्रक्रिया पार पडली. येथे मात्र ७ नोव्हेंबरला मतमोजणी होणार आहे. शांततेत मतदान पार पडले आहे.