Accident News: शेगावला जाणाऱ्या भाविकांच्या एसयुव्हीला भीषण अपघात; पाच जणांचा मृत्यू, सात जखमी
By ऑनलाइन लोकमत | Published: March 14, 2022 09:48 AM2022-03-14T09:48:01+5:302022-03-14T09:48:30+5:30
अपघात एवढा भीषण होता की कारच्या पुढील भागाचा चक्काचूर झाला आहे.
Accident News: शेगावला जाणाऱ्या भाविकांच्या एसयुव्हीला भीषण अपघात; पाच जणांचा मृत्यू, सात जखमी
Next देऊळगाव राजा (बुलडाणा) : शेगाव येथे संत गजानन महाराजांच्या दर्शनासाठी जात असलेल्या जालना जिल्ह्यातील रोहनवाडी येथील भाविकांच्या वाहनाला भरधाव मालवाहु ट्रकने धडक दिली. यामध्ये पाच जण जागीच ठार तर सात जण गंभीर जखमी झाले. ही घटना देऊळगाव राजा शहराबाहेरील वळणावर १४ मार्च रोजी सकाळी ५.३० वाजता घडली.
रोहनवाडी येथील भाविक संत गजानन महाराजांच्या दर्शनासाठी शेगाव येथे बोलेरो गाडी क्र. एमएच २८ व्ही ४४२१ ने जात होते. दरम्यान देऊळगाव राजा शहराबाहेरील वळणावर समोरुन येत असलेल्या मालवाहू ट्रक क्र. एमएच १६ क्यू १६८२ ने भाविकांच्या वाहनाला जोरदार धडक दिली. यामध्ये पाच भाविक जागीच ठार झाले तर सात जण गंभीर जखमी झाले.
घटनेची माहिती मिळताच पोलिसांनी धाव घेउन जखमींना ग्रामीण रुग्णालयात उपचारासाठी हलवले. गंभीर जखमींना जालना येथे हलविण्यात आले. मृतकांची ओळख नातेवाइकांच्या मदतीने पटविण्याचे काम सुरू होते.