मुंबई-पुणे प्रवास होणार सुखकर, ५० बसेसमध्ये वाय-फाय होणार उपलब्ध
By admin | Published: August 16, 2016 01:31 PM2016-08-16T13:31:16+5:302016-08-16T13:34:58+5:30
मुंबई-पुणे मार्गावरील प्रवाशांचा प्रवास आणखी सुखकर व्हावा यासाठी या मार्गावरील जवळपास ५० बसमध्ये वायफाय बसवण्यात येणार आहेत.
मुंबई-पुणे प्रवास होणार सुखकर, ५० बसेसमध्ये वाय-फाय होणार उपलब्ध
Next
मुंबई, दि. १६ - मुंबई-पुणे मार्गावरील प्रवाशांचा प्रवास आणखी सुखकर व्हावा यासाठी या मार्गावरील जवळपास ५० बसमध्ये वायफाय बसवण्यात येणार असल्याची माहिती एसटी प्रशासनाने दिली आहे. शिवनेरी, हिरकणी व इतर साध्या बसमध्ये येत्या १० ते १५ दिवसांत ही सुविधा उपलब्ध होणार असून त्याला मिळणारा प्रतिसाग पाहून अन्य बसमध्ये ही सेवा सुरू करण्यात येणार आहे.
प्रवाशांचा एसटी प्रवास सुखकर व आनंददायी होण्याच्या दृष्टीने प्रवाशांना व्यक्तीगत मनोरंजनासाठी वाय-फायच्या सहाय्याने प्रवासात मोबाईलवर चित्रपट, गाणी, तसेच बातम्या ऐकण्यास व पाहण्यास मिळतील. मुंबई-पुणेसह पुण्यातून अन्य मार्गावर धावणा-या बसचाही यात समावेश आहे.
