Maharashtra Politics: पहाटेच्या शपथविधीवरुन देवेंद्र फडणवीसांचं शरद पवारांना आव्हान; म्हणाले, “राष्ट्रपती राजवट...”

Maharashtra News: पहाटेच्या शपथविधीबाबत शरद पवारांनी केलेल्या विधानावर प्रतिक्रिया देताना देवेंद्र फडणवीसांनी काही प्रश्न उपस्थित केलेत.

Maharashtra Politics: राज्याचे उपमुख्यमंत्री देवेंद्र फडणवीस यांनी पहाटेच्या शपथविधीबाबत केलेल्या गौप्यस्फोटानंतर अद्यापही यावरून राजकीय वर्तुळात चर्चा आणि आरोप-प्रत्यारोप सुरू असल्याचे पाहायला मिळत आहे. सुरुवातीला या प्रकरणी राष्ट्रवादीचे सर्वेसर्वा शरद पवार यांनी अधिक भाष्य केले नव्हते. मात्र, आता यासंदर्भात शरद पवारांनी एक विधान केले आहे. यावरून देवेंद्र फडणवीस यांनी शरद पवारांना आणखी एक आव्हान दिल्याचे सांगितले जात आहे. 

सरकार बनवण्याचा एक प्रयत्न झाला. त्या प्रयत्नाचा फायदा एकच झाला की राष्ट्रपती राजवट होती ती उठली. ती उठल्यानंतर काय घडले ते तुम्हा सर्वांनाच माहिती आहे. राज्यात तेव्हा तसे काही घडले नसते तर राष्ट्रपती राजवट उठली असती का? आणि उद्धव ठाकरे राज्याचे मुख्यमंत्री झाले असते का? असे शरद पवार यांनी म्हटले आहे. यावर आता देवेंद्र फडणवीस यांनी प्रतिक्रिया दिली. 

पहाटेच्या शपथविधीवरुन देवेंद्र फडणवीसांचं शरद पवारांना आव्हान

राष्ट्रपती राजवट लावण्यामागे नेमकी कारण काय? हे शरद पवारांनी सांगावे. राष्ट्रपती राजवट का लागली? राष्ट्रपती राजवट कुणाच्या सांगण्यावरुन लागली? त्याच्या पाठीमागे काय होते? याचा खुलासा शरद पवार यांनी करावा, त्यानंतर सर्व कड्या जुळतील अन् तुमच्यासमोर उत्तरे येतील, असे देवेंद्र फडणवीस यांनी म्हटले आहे. दुसरीकडे, देवेंद्र फडणवीस यांचा फोन आला होता, त्यांनी सांगितले होते की अजित पवार यांनी आपल्यासोबत येऊन शपथ घेतली आहे,  आणि शरद पवार यांना याची कल्पना आहे, ते आपल्या सोबत आहेत. अजित पवार मोठा चेहरा आहे, मात्र राष्ट्रपती राजवट काढण्यासाठी अजित पवार यांचा वापर केला असेल असं मग त्यांच्या राजकीय जीवनातील ती चूक आहे किंवा अजित पवार यांच्या बद्दलचा तो भाव आहे. अजित पवार यांनाच का पाठवले त्यांची विश्वसनीयता कमी करायची होती, यांचे राजकीय आयुष्य उध्वस्त करायचे होते, राष्ट्रवादीमध्ये अनेक नेते काम करतात, मात्र अजितदादा यांचे महत्व कमी करायची होते का, असा सवाल भाजप नेते सुधीर मुनगंटीवार यांनी केला. 

दरम्यान, देवेंद्र फडणवीस यांनी पहाटेच्या शपथविधीवर शरद पवार यांच्यावर आरोप केले होते. पहाटेचा शपथविधी ही शरद पवार यांचीच स्क्रीप्ट होती, असे देवेंद्र फडणवीस म्हणाले होते. त्यानंतर राज्याच्या राजकारण नव्या चर्चेला उधाण आले होते. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"