भाजपाचा दबदबा कायम, 'विदर्भ माझा'लाही यश

ऑनलाइन लोकमत

नागपूर, दि. 9 - विदर्भातल्या नऊपैकी आठ नगर पालिकांचे पूर्ण निकाल हाती आले आहेत. भाजपानं 73 जागा मिळवत दरारा कायम ठेवला आहे. नागपुरातील 9 पैकी 5 जागांवर भाजपाचे नगराध्यक्ष निवडून आले आहेत. तर काँग्रेस 1 आणि इतर 3 जण निवडून आले आहेत. काटोल येथे विदर्भ माझाने आपला दबदबा निर्माण केला आहे. विदर्भ माझाने इथं एकहाती सत्ता मिळवली आहे. 

विदर्भातल्या जवळपास 185 जागांपैकी 153 जागांचे निकाल जाहीर झाले असून, त्यात भाजपनं आघाडी घेतली आहे. तर नव्या दमाच्या विदर्भ माझा पक्षानंही चांगलं यश संपादन केलं आहे. भाजपच्या खालोखाल काँग्रेस आणि विदर्भ माझाला जागा मिळाल्या आहेत.

आतापर्यंत हाती आलेल्या वृत्तानुसार, विदर्भात 73 जागांवर घवघवीत यश मिळवून भाजपानं वरचष्मा ठेवला आहे. काँग्रेसनं 34 जागांवर, तर विदर्भ माझानं जवळपास 18 जागांवर विजय मिळवला आहे. आतापर्यंत 11 पैकी 9 पालिकांचा निकाल हाती आला आहे. यामध्ये भाजपाने 4, काँग्रेस , राष्ट्रवादी, विदर्भ माझा यांना प्रत्येकी एका पालिकेत विजय मिळवता आला आहे. तर 2 जागांवर स्था. आघाडीने विजय संपादन केला आहे. 11 नगराध्यक्षांपैकी सध्या भाजपाने सहा जागांवर यश मिळवले आहे. 
 

(कामठी वगळता)

भाजप - 73

सेना - 05

काँग्रेस - 34

राष्ट्रवादी - 08

विदर्भ माझा - 18

शेकाप - 04

अपक्ष - 02

नगर विकास आघाडी - 05