चाळीसगावजवळ बसचा भीषण अपघात, २५ जण ठार
By admin | Published: June 25, 2015 04:14 PM2015-06-25T16:14:25+5:302015-06-25T20:31:08+5:30
धुऴे -चाळीसगाव महामार्गावर एसटी महामंडळाची बस आणि मालवाहू कंटेनर यांच्यात झालेल्या भीषण अपघातात २५ जणांचा मृत्यू झाला
चाळीसगावजवळ बसचा भीषण अपघात, २५ जण ठार
Next
चाळीसगाव, दि. २५ - धुऴे -चाळीसगाव महामार्गावर एसटी महामंडळाची बस आणि मालवाहू कंटेनर यांच्यात झालेल्या भीषण अपघातात २५ जणांचा मृत्यू झाला असून अनेक जण जखमी झाले आहेत.
चाळीसगावपासून सुमारे २५ किलोमीटरवर असलेल्या दहिवड फाट्याजवळ सुरतहून चाळिसगावला येत असलेल्या बसला कंटेनरने धडक दिल्याने हा अपघात झाला आहे. एका दुचाकीस्वाराला वाचवण्यासाठी कंटेनरने बसच्या अत्यंत जवळून जाण्याचा प्रयत्न केला असता हा अपघात घडल्याचे सांगण्यात येत आहे. या भीषण अपघातात बसच्या ड्रायव्हरसह २५ जण मृत्यूमुखी पडले असून अनेक जण जखमी असल्याची आणि मृतांचा आकडा वाढण्याची भीती व्यक्त होत आहे.
जखमी व मृतांची ओळख पटवण्याचे प्रयत्न सुरू असल्याचे पोलीसांनी सांगितले. दरम्यान, या महामार्गावर अनेक भीषण अपघात होत असतात आणि साधे दुभाजकही नसल्यामुळे अपघाताच्या प्रमाणात वाढ होते असे सांगत परीसरात मोठ्या प्रमाणावर नागरीक गोळा झाल्याने चिंतेचे वातावरण होते. पोलीस जमावाला शांत करत असल्याचे सांगण्यात आले आहे.
दरम्यान, या अपघातातील जखमींना धुऴे ग्रामीण रुग्णालयात दाखल करण्यात आले असून मृतांचा आकडा वाढण्याची शक्यता वर्तविण्यात येत आहे.
