गोपीनाथ मुंडेंच्या मृत्यू प्रकरणी आरोपी चालकावर चालणार खटला

भाजपचे दिवंगत नेते गोपीनाथ मुंडे यांच्या अपघाती मृत्यूप्रकरणी आरोपी चालकावर खटला चालवण्यात येणार असल्याचं वृत्त

ऑनलाइन लोकमत 

नवी दिल्ली, दि. 16 -  भाजपचे दिवंगत नेते गोपीनाथ मुंडे यांच्या अपघाती मृत्यूप्रकरणी आरोपी चालकावर खटला चालवण्यात येणार असल्याचं वृत्त आहे. बेदरकारपणे गाडी चालवणे आणि सदोष मनुष्यवधाचा प्रयत्न केल्याचा आरोप त्याच्यावर न्यायालयाने ठेवला आहे.

 

लाइव्ह मिंटने याबाबतचं वृत्त दिलं आहे. गुरविंदर सिंह असं या आरोपी ड्रायव्हरचं नाव असून त्याच्याविरोधात खटला चालवण्याची प्रक्रिया दिल्ली सत्र न्यायालयानं सुरु केल्याचंही वृत्त आहे.  दोन वर्षांपुर्वी दिल्लीत 3 जून 2014 ला सकाळी  मुंबईकडे रवाना होण्यासाठी मुंडे आपल्या सहायकासोबत नवी दिल्ली विमानतळाच्या दिशेने जात असताना मोती बाग परिसरात त्यांच्या गाडीला समोरुन येणा-या इंडिकाने जोरदार धडक दिली होती या अपघातात गोपीनाथ मुंडेंचं निधन झालं होतं.