चंद्रपूरमध्ये आढळले खवल्या मांजर

चंद्रपूरमधील मूल येथे पुन्हा खवल्या मांजर आढळून आले.

ऑनलाइन लोकमत

चंद्रपूर, दि. १२ -  चंद्रपूरमधील मूल येथिल नगरसेवक  बाबा अझिम यांच्या घराशेजारी एका पडक्या घरी दुर्मिळ खवल्या मांजर आढळून आले. ही माहीती अझीम यांनी मूल येथील प्राणीमित्र उमेशसिंह झिरे यांना दिली. झिरे यांनी लगेच त्या स्थळी जाऊन खवल्या मांजरला ताब्यात घेतले  व ही माहिती  वनविभागाला दिली. खवल्या मांजर आढळल्याची ही दुसरी घटना मूल तालुक्यात दोन दिवसात घडली. 

या आधी मूल तालुक्यातील बेंबाळ येथील गड्डमवार यांच्या घरी  दुर्मिळ खवल्या मांजर आढळुन आले होते. काल पुन्हा एकदा मूल शहरातच खवल्या मांजर आढळुन आले असल्याने  प्राणी मित्रांसाठी ही आनंदाची बाब मानली जात आहेे.