एकनाथ शिंदे प्रसिद्ध उद्योगपती रतन टाटांच्या भेटीला; प्रकृतीची विचारपूस कारण

एकनाथ शिंदेंनी मुख्यमंत्री बनल्यापासून राज ठाकरे, गजानन कीर्तीकर यांच्या भेटी घेतल्या आहेत. परंतू, आजची ही भेट अराजकीय पण अत्यंत महनीय अशा व्यक्तीची आहे.

मुख्यमंत्री एकनाथ शिंदे काही वेळापूर्वीच प्रसिद्ध उद्योगपती रतन टाटांच्या भेटीला गेले आहेत. कुलाब्यातील टाटांच्या घरी शिंदे गेले आहे.

या भेटीमागचे नेमके कारण समोर आले नसले तरी रतन टाटांच्या प्रकृतीची विचारपूस करण्यासाठी शिंदे यांनी टाटांची भेट घेतली. यावेळी टाटा यांनी मुख्यमंत्री एकनाथ शिंदे यांची मुख्यमंत्रीपदी निवड झाल्याबद्दल अभिनंदन केले. तसेच मुख्यमंत्रीपदाच्या कारकिर्दीसाठी त्यांना शुभेच्छा दिल्या. 

काल सह्याद्री अतिथीगृहावर उद्धव ठाकरेंच्या वहिणी स्मिता ठाकरेंनी मुख्यमंत्री एकनाथ शिंदेंची भेट घेतली होती. सह्याद्री अतिथीगृहात स्मिता ठाकरेंनी मुख्यमंत्री एकनाथ शिंदे यांची भेट घेतली आहे. इतकी वर्षे सक्रीय राजकारणापासून स्मिता ठाकरे दूर आहेत. उद्धव ठाकरेंमुळे त्या नाराज होत्या. स्मिता ठाकरेंनी शिंदेंची भेट घेतल्यानंतर अनेक चर्चांना उधाण आलं आहे.

मुख्यमंत्री झाल्यानंतर काही दिवसांतच शिंदे यांनी शिवसेनेचे खासदार गजानन किर्तीकर यांची भेट घेऊन प्रकृतीची विचारणा केली होती. शिंदे यांनी मनसे अध्यक्ष राज ठाकरे यांची देखील भेट घेऊन प्रकृतीची विचारणा केली होती. परंतू आजची ही भेट गैर राजकीय परंतू अत्यंत महनीय अशा व्यक्तीची आहे.