Ayodhya Result : अयोध्येचा वाद मिटल्याचा आनंद, दोन दिवसांत शिवनेरीवर जाईन - उद्धव ठाकरे

Ayodhya Verdict : आज निकालानंतर सायंकाळी 4 वाजता पत्रकार परिषदेत ते बोलत होते.

मुंबई : अयोध्येतील रामजन्मभुमीच्या वादावर आज सर्वोच्च न्यायालयाने निकाल दिला आणि वाद संपवला. अयोध्येचा वाद मिटल्याचा आनंद असल्याचे शिवसेना पक्ष प्रमुख उद्धव ठाकरे यांनी सांगितले. 

आज निकालानंतर सायंकाळी 4 वाजता पत्रकार परिषदेत ते बोलत होते. आजच्या दिवशी शिवसेना प्रमुखांची आठवण येणे स्वाभाविक आहे. राम मंदिरासाठी लालकृष्ण अडवाणींचे मोठे योगदान आहे. लवकरच अडवाणींची भेट घेणार असल्याचेही ठाकरे म्हणाले. 

"मला असं वाटतं जी हिंदूंची श्रद्धा आहे, भावना आहे त्या भावनेला आज न्याय मिळालेला आहे, याचा आनंद व्यक्त करत असताना मी सर्वांना सूचना केलेल्या आहेत की कुठेही वेडवाकड होईल असा काही करू नका, आनंद जरूर साजरा करा."
-शिवसेना पक्षप्रमुख मा. श्री. उद्धव साहेब ठाकरे pic.twitter.com/DUEWBlGGXN

— ShivSena - शिवसेना (@ShivSena) November 9, 2019

तसेच त्यांनी गेल्या वर्षी अयोध्येला गेल्याची आठवणही करून दिली. 24 नोव्हेंबरला शिवनेरीची माती अयोध्येमध्ये ठेवली आणि वर्षाच्या आत निकाल लागला. सर्व सुरळीत राहिले तर मी पुन्हा 24 तारखेला अयोध्येला जाईन. येत्या दोन-तीन दिवसांत पुन्हा शिवनेरीवर जाणार आहे. एक अध्याय संपला असला तरीही पर्व सुरू होत आहे. आनंद साजरा करा पण कोणाच्या भावना दुखावू नका असे आवाहनही त्यांनी केले. 

"प्रभू रामचंद्र यांचा नेमका जन्म कुठे झाला होता यांच्या वरून वाद सुरू होता आणि मला नक्कीच आनंद आहे की तो वाद आज संपलेला आहे. सर्व समाजाने हिंदू, मुसलमान,इतर सुद्धा सर्व धर्म आहेत, त्या सर्वांना मी धन्यवाद देतो कारण न्यायदेवतेने दिलेला हा निकाल, हा न्याय सर्वांनी स्वीकारलेला आहे." pic.twitter.com/MhNmvCkblY

— ShivSena - शिवसेना (@ShivSena) November 9, 2019

 

"गेल्या अनेक वर्षांपासून जो एक वाद सुरू होता, त्या वादावर आज पडदा पडलेला आहे आणि मी सर्वप्रथम न्यायदेवतेला अक्षरशः साष्टांग दंडवत घालत आहे."
- शिवसेना पक्षप्रमुख मा. श्री. उद्धव साहेब ठाकरे pic.twitter.com/7hERWYNyn9

— ShivSena - शिवसेना (@ShivSena) November 9, 2019