पार्थिव घेऊन जाणा-या गाडीला अपघात, तिघांचा जागीच मृत्यू

मंगळवेढा येथे अंत्यसंस्कारासाठी पार्थिव घेऊन जाणा-या गाडीला झालेल्या भीषण अपघातात 3 जणांचा जागीच मृत्यू झाला असून 10 जण गंभीर जखमी झालेत

आॅनलाइन लोकमत सोलापूर
मंगळवेढा/सोलापूर दि. 31 -  मंगळवेढा येथे अंत्यसंस्कारासाठी पार्थिव घेऊन जाणा-या गाडीला ट्रकची पाठीमागून जोरात धडक बसली. झालेला अपघात इतका भीषण होता की यात तीन जणांचा जागीच मृत्यू झाला असून 10 जण गंभीर झाले आहेत. जखमींवर सोलापूर व अकलूजमधील हॉस्पिटलमध्ये उपचार सुरू आहेत.

मिळालेल्या माहितीनुसार, उमर सुतार हे कारागृहात असताना त्यांचा मृत्यू झाला. त्यांचा मृतदेह मंगळवेढा येथे आणण्यात येत होता. यावेळी इंदापूर बायपास रोडवर पाठीमागू येणा-या ट्रकची त्यांच्या गाडीला जोरदार धडक बसली.

या भीषण अपघातात तीन जणांचा जागीच मृत्यू झाला व अन्य 10 जण जखमी झाल्याची प्राथमिक माहिती मिळाली आहे. दरम्यान या घटनेनंतर ट्रक चालक फरार झाला आहे.