वसईत एसी कॉम्प्रेसरमध्ये लागलेल्या आगीमुळे एकाचा मृत्यू
By admin | Published: October 17, 2016 09:33 AM2016-10-17T09:33:37+5:302016-10-17T09:33:37+5:30
एसी कॉम्प्रेसरमध्ये आग लागल्यानंतर झालेल्या धुरामध्ये गुदमरुन एकाचा मृत्यू झाला आहे. वसईतील एव्हरशाईन परिसरात ही घटना घडली आहे.
वसईत एसी कॉम्प्रेसरमध्ये लागलेल्या आगीमुळे एकाचा मृत्यू
Next
वसई, दि. 17 - एसी कॉम्प्रेसरमध्ये आग लागल्यानंतर झालेल्या धुरामध्ये गुदमरुन एकाचा मृत्यू झाला आहे. वसईतील एव्हरशाईन परिसरात ही घटना घडली आहे. पहाटे साडेपाच वाजण्याच्या सुमारास ही घटना घडली. धुरामुळे 9 महिन्यांच्या चिमुरड्यासह दोघे जण बेशुद्ध पडले होते. यामधील एकाचा मृत्यू झाला आहे.
वसईच्या एव्हरशाईन परिसरातील सॅवियो सोसायटीत ए विंग मधील रुम नंबर 203 मध्ये शॉर्ट सर्किटमुळे आग लागून एसी कॉम्प्रेसरमधून धूर येऊ लागला. एसीचा धूर वरच्या मजल्यावरील 303 या रुममध्ये गेल्याने रहिवासी उदय मोहन कांचे आणि त्यांचा 9 महिन्याचा मुलगा पारस गुदमरुन बेशुद्ध पडले. तर पाहुणे म्हणून आलेले उदयचे 62 वर्षांचे मामा जयंत देशकर यांचा मृत्यू झाला आहे.
