अमृता फडणवीसांच्या वाढदिवसानिमित्त लेकीची खास पोस्ट; म्हणाली, "माझ्या आयुष्यातील सर्व…"

अमृता फडणवीस यांनी काल आपला ४४ वा वाढदिवस साजरा केला. या निमित्ताने अमृता फडणवीस यांना त्यांची लेक दीविजाने सोशल मीडियाद्वारे खास शुभेच्छा दिल्या आहेत.

मुंबई : राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस या नेहमीच आपल्या स्पष्ट वक्तव्यासाठी ओळखल्या जातात. देवेंद्र फडणवीस यांच्या पत्नी असण्याबरोबरच समाजसेविका आणि गायिका म्हणूनही अमृता फडणवीसांना ओळखले जाते. त्या अनेक विषयांवर आपली परखड मतं मांडत असतात. दरम्यान, अमृता फडणवीस यांनी काल आपला ४४ वा वाढदिवस साजरा केला. या निमित्ताने अमृता फडणवीस यांना त्यांची लेक दीविजाने सोशल मीडियाद्वारे खास शुभेच्छा दिल्या आहेत.

अमृता फडणवीस आणि देवेंद्र फडणवीस यांची मुलगी दीविजा हिने सोशल मीडियाद्वारे आईला वाढदिवसाच्या शुभेच्छा दिल्या आहेत. दीविजाने इन्स्टाग्रामवर एक पोस्ट शेअर केली आहे. त्यात तिने आपल्या आईसोबतचा एक छान फोटो पोस्ट केला आहे. तसेच, पोस्टमध्ये माझी जिवलग मैत्रीण, सर्वात मजेशीर व्यक्ती आणि माझ्या आयुष्यातील सर्व गोष्टींमध्ये सहभागी असणारी माझी साथीदार म्हणजेच माझ्या आईला वाढदिवसाच्या हार्दिक शुभेच्छा, असे दीविजाने म्हटले आहे.

दीविजाच्या या पोस्टनंतर अनेकांनी त्यावर कमेंट केल्या आहेत. अनेकांनी अमृता फडणवीस यांना वाढदिवसाच्या शुभेच्छाही कमेंटच्या माध्यमातून दिल्या आहेत. दरम्यान, देवेंद्र फडणवीस आणि अमृता फडणवीस यांच्याकडे एक 'पॉवर कपल' म्हणून पाहिले जाते. नवऱ्याच्या बाजुने ठामपणे उभं राहाताना आपण अनेकदा अमृता फडणवीस यांना पाहिले आहे. विविध राजकीय मंडळींसोबतच्या ट्विटर वॉरमुळेही अमृता चर्चेत असतात.

अमृता एक बँकर असण्याशिवाय गायिका म्हणून विशेष सक्रिय आहेत. त्यांनी आतापर्यंत मराठी, हिंदी, इंग्रजी आणि पंजाबी भाषेतील गाणीही गायली आहे. त्यांच्या गाण्यांना युट्यूबवर मिलियन्समध्ये Views आहेत. याशिवाय त्यांचा फॅशनिस्टा अंदाजही अनेकांना आवडतो, यावरुन त्यांच्यावर टीकाही होते. मात्र त्यांनी टीकाकरांना नेहमीच सडेतोड उत्तर दिले आहे.