मुलुंडमध्ये डॉक्टरचा मुलीवर बलात्कार

पोटदुखीची तक्रार घेऊन एकटीनेच डॉक्टरकडे जाणो मुलुंडमधील 17 वर्षीय मुलीला चांगलेच महाग पडले. डॉक्टरने मुलीच्या अज्ञानाचा फायदा घेत तिचे नग्न फोटो काढले.

अज्ञानाचा घेतला गैरफायदा : तपासणीच्या निमित्ताने काढले ईल फोटो

मुंबई : पोटदुखीची तक्रार घेऊन एकटीनेच डॉक्टरकडे जाणो मुलुंडमधील 17 वर्षीय मुलीला चांगलेच महाग पडले. डॉक्टरने मुलीच्या अज्ञानाचा फायदा घेत तिचे नग्न फोटो काढले. ते सोशल मीडियावर जाहीर करण्याची धमकी देत तिच्यावर बलात्कार केला. डॉ. जयेश खतिरा (48) असे या नराधम डॉक्टरचे नाव असून, मुलुंड पोलिसांनी त्याला अटक केली आहे.

मुलुंड कॉलनीत डॉ. खतिरा याचा ‘आकांक्षा नर्सिग होम’ नावाचा दुमजली दवाखाना आहे. तो बीएचएमएस असून गेल्या 25 वर्षापासून या ठिकाणी प्रॅक्टिस करतो. 1 सप्टेंबरला पोटदुखीची तक्रार घेऊन एक अल्पवयीन मुलगी त्याच्याकडे आली. ती एकटीच आहे ही संधी साधत तपासणी करण्याच्या बहाण्याने खतिराने तिला कपडे काढण्यास सांगितले. नंतर तपासणीच्या बहाण्याने त्याने तिचे मोबाइलमध्ये फोटो काढले. लगेच त्याने हे फोटो तिला दाखवून ब्लॅकमेल करण्यास सुरुवात केली. भेटायला ये, नाहीतर फोटो व्हॉट्सअॅप, फेसबुकवर अपलोड करेन, अशी धमकी देऊ लागला. 

भेदरलेल्या मुलीने हा प्रकार मैत्रिणीला सांगितला. मात्र शुक्रवारी दुपारी 12 वाजता पुन्हा नराधम डॉक्टरने फोन करून दुपारी साडेतीन वाजता स्वप्ननगरी येथेल जैन मंदिराजवळ भेटण्यासाठी न आल्यास फोटो फेसबुक व व्हॉट्सअॅपवर टाकण्याची धमकी देत ही अखेरची संधी असल्याचे सांगितले. यामुळे घाबरलेली मुलगी घरामध्ये काहीही न सांगता रिक्षा पकडून जैन मंदिराजवळ गेली. खतिरा याने तिला आपल्या कारमध्ये बसवून ठाणो जिल्ह्यातील कापूरबावडी परिसरात असलेल्या टिकुजीनी वाडी परिसराकडील जंगलात नेले. तेथील रस्त्याकडेला कार उभी करून कारच्या मागच्या सीटवरच तिच्यावर बलात्कार केला. तसेच तोंड उघडल्यास फोटो जाहीर करेन, अशी धमकीही 

दिली. घरी परतल्यानंतर मुलीने घडलेल्या प्रकाराची माहिती कुटूंबियांनी मुलीला सोबत घेवून कापुरबावडी पोलीस ठाणो गाठले. तेथे खतिराविरोधात तक्रार दिली.  (प्रतिनिधी)

 

पाश्र्वभूमीबाबत कसून चौकशी

डॉ. खतिरा याने याआधी असे गुन्हे केले असावेत, असा दाट संशय पोलिसांना आहे. त्यादृष्टीने पोलीस त्याच्याकडे कसून चौकशी करीत आहेत. त्याचा मोबाइल पोलिसांनी ताब्यात घेतला असून त्यात अन्य मुलींचे फोटो आहेत का, हेही तपासले जात आहे. शिवाय परिसरातही त्याच्या चारित्र्याविषयी चौकशी होणार असल्याचे समजते.