Eknath Shinde vs Uddhav Thackeray: एक नाही दोन! ठाकरेंनी सांगितले सहा, निवडणूक आयोगाकडे गेले चारच; खासदार फुटले? 

निवडणूक आयोगाकडे गेलेल्या कागदपत्रांनुसार आयोगाने लोकसभा, राज्यसभा, विधानसभा आणि विधानपरिषदेचे ठाकरे आणि शिंदे गटाचे बलाबल किती?

शिवसेनेचे एकूण १९ खासदार होते. एकनाथ शिंदेंनी जेव्हा ठाकरेंपासून फारकत घेतली तेव्हा शिंदेंसोबत यापैकी १२ खासदार गेले, तर १ खासदार नंतर गेले. यामुळे ठाकरे गटाने निवडणुक आयोगाला आपल्याकडे सहा खासदार असल्याचे सांगितले. मात्र, आयोगाच्या कागदपत्रांवरून प्रत्यक्षात ठाकरे गटाचे चारच खासदार असल्याचे दिसत आहे. 

Eknath Shinde Shivsena: तो १४ वा खासदार कोण? होता ठाकरे सेनेत पण शिंदेंना 'रसद' पुरवत होता

ठाकरे गटाच्या एका खासदाराने ठाकरे गटात राहून शिंदेंना प्रतिज्ञापत्र दिल्याचे सांगितले जात आहे. यामुळे आधीच ठाकरे गटाला धक्के बसत असताना आता आणखी एक खासदार 'बेपत्ता' झाल्याने खळबळ उडाली आहे. यामुळे हे दोन खासदारही तळ्यात मळ्यात होण्याची वाट पाहत होते, की काय असा प्रश्न उपस्थित होत आहे. 

निवडणूक आयोगाकडे गेलेल्या कागदपत्रांनुसार आयोगाने लोकसभा, राज्यसभा, विधानसभा आणि विधानपरिषदेचे ठाकरे आणि शिंदे गटाचे बलाबल किती याची माहिती प्रसिद्ध केली आहे. यामध्ये शिंदे गटाकडे विधानसभेत ५५ पैकी ४० आमदार आहेत. तर ठाकरे गटाकडे ५५ पैकी १५ आमदार आहेत. तर विधान परिषदेचे शिंदेंकडे शून्य आणि ठाकरेंकडे १२ पैकी १२ आमदार आहेत. 

Breaking news 🗞️

ठाकरे गटाने आपल्याकडे १९ पैकी ६ खासदार असल्याचा दावा केला होता. पण केंद्रीय निवडणूक आयोगाने मात्र ४ खासदार ठाकरे गटाकडे असल्याचे आदेशात म्हटलेय. म्हणजे २ खासदार हे तटस्थ आहेत किंवा ते शिंदेंकडे जाताहेत, असं त्यांनी आयोगाला कळवलं असेल.
प्रश्न- हे दोन खासदार कोण? pic.twitter.com/6OqrA1lLUi

— आशिष जाधव 🇮🇳 (@ashish_jadhao) February 18, 2023

दुसरीकडे लोकसभेत १९ खासदारांपैकी शिंदे गटाकडे १३ आणि ठाकरे गटाकडे ४ खासदार आहेत. ठाकरे गटाने सहा खासदार असल्याचा दावा केला होता. परंतू आयोगाकडे ४ खासदारांचीच प्रतिज्ञापत्रे आली आहेत. यामुळे दोन खासदार तटस्थ राहिले की ते देखील शिंदे गटाच्या वाटेवर आहेत, अशी चर्चा सुरु झाली आहे. राज्यसभेत मात्र शिंदे गटाकडे एकही खासदार नाहीय. तिकडे तीनपैकी तीन खासदार हे ठाकरे गटाकडे आहेत.