केळवा रोड स्टेशनजवळ हेलिकॉप्टरचे इमर्जन्सी लँडिंग

ठाणे, दि. 27 - खराब हवामानामुळे केळवा रोड स्टेशनजवळील मैदानात हेलिकॉप्टरचे इमर्जन्सी लँडिंग करण्यात आलं. शनिवारी दुपारी 1:30 वाजण्याचा सुमारास सफाळा पोलीस ठाण्याचे हद्दीत केळवारोड स्टेशन जवळच्या एका शाळेच्या आवारात या विमानाचं लँडिंग करण्यात आलं. रिलायन्स कंपनीचे कर्मचारी या हेलिकॉप्टरमधून बडोदा - सुरत - जुहू  (मुंबई ) असा प्रवास करणार होते. हे हेलिकॉप्टर पवनहंस  कंपनीचे आहे. VT- PHV हे हेलिकॉप्टर खराब हवामानामुळे उतरविण्यात आले . कॅप्टन पी.जे. सिंग यांच्यासह केबिन क्रूचे तीन व रिलायन्स कंपनीचे दोन अधिकारी असे एकूण सहा व्यक्ती होते. लँडिंगनंतर पोलीस बंदोबस्त ठेवण्यात आला आहे.