"Enough is Enough! आता संयम आणि सौजन्याची ऐशी तैशी...", संजय राऊतांचा निशाणा

Sanjay Raut : राष्ट्रपती राजवट लावण्याची धमकी आम्हाला देऊ नका, ईडी, सीबीआय असल्या धमक्यांना शिवसेना घाबरत नाहीत. बायकांना पुढे करुन शिकंड्याचा खेळ भाजप करत आहे, असा गंभीर आरोप संजय राऊत यांनी प्रसार माध्यमांशी बोलताना केला आहे.

मुंबई : राज्यात हनुमान चालीसा पठणावरून सुरू झालेल्या वादात खासदार नवनीत राणा आणि त्यांचे पती आमदार रवी राणा यांनी उडी घेतली असून, आज त्यांनी मुख्यमंत्री उद्धव ठाकरे यांचे निवासस्थान असलेल्या मातोश्री बाहेर हनुमान चालीस पठण करण्याचे आव्हान दिले. यानंतर नवनीत राणा आणि रवी राणा यांच्या विरोधात शिवसैनिक आक्रमक झाले. यावरून मातोश्री बाहेर जोरदार राडा रंगला. तसेच, राणा दाम्पत्याच्या घराबाहेरही शिवसैनिक आक्रमक झाल्याचे पाहायला मिळाले. 

दरम्यान, यावरून शिवसेनेचे नेते आणि खासदार संजय राऊत यांनी राणा दाम्पत्यावर निशाणा साधला. महाराष्ट्रात शिवसेनेला आव्हान देण्यासाठी सात जन्म घ्यावे लागतील, असे प्रसार माध्यमांशी बोलताना संजय राऊत यांनी सांगितले. त्यानंतर हनुमान चालीसा पठणावरुन सुरु झालेल्या गोंधळावर संजय राऊत यांनी एख ट्विट केले आहे. यामध्ये ते म्हणाले, ""Enough is Enough! आता संयम आणि सौजन्याची ऐशी तैशी... जय महाराष्ट्र!!"   

Enough is Enough!
आता संयम आणि सौजन्याची ऐशी तैशी...
जय महाराष्ट्र!!

— Sanjay Raut (@rautsanjay61) April 23, 2022

'बायकांना पुढे करुन शिकंड्याचा खेळ भाजप करतंय'
सरकार आमचे असल्याने आमचे हात बांधले आहेत. माझे आत्ताच मुख्यंत्र्यांशी बोलणे झाले आहे. राष्ट्रपती राजवट लावण्याची धमकी आम्हाला देऊ नका, ईडी, सीबीआय असल्या धमक्यांना शिवसेना घाबरत नाहीत. बायकांना पुढे करुन शिकंड्याचा खेळ भाजप करत आहे, असा गंभीर आरोप संजय राऊत यांनी प्रसार माध्यमांशी बोलताना केला आहे. तसेच, राणा दाम्पत्याने लायकीत राहावे, कोण आहात तुम्ही. तुम्ही आमच्या घरात शिरताय, मग शिवसैनिक कसा गप्प बसेल. शिवसैनिकांचा हा उत्स्फुर्त प्रतिसाद आहे, असेही संजय राऊत यांनी म्हटले. 

'तुम्हालाही घरे आहेत हे लक्षात ठेवा'
कायदा आणि सुव्यवस्थे बाबात उपयोजन करण्यासाठी तुमचे सल्ले ऐकण्याइतकं महाराष्ट्राला भिकारीपण आलं नाही. मातोश्रीत घुसण्याची हिम्मत नाही, ते बदनामी करत आहेत. मग, शिवसैनीक चिडून तुमच्या घरांपर्यंत शिरण्याचा प्रयत्न करत आहेत. तुम्ही आमच्या घरात घुसण्याचा प्रयत्न कराल, तर तुम्हालाही घरं आहेत हे लक्षात ठेवा, असा इशाराच राऊत यांनी दिला. शिवसैनिकांवर आता कुणाचंही कंट्रोल नाही, अजून काही सुरुवात झाली नाही. दोन दिवसांत मुंबईत जे काही झाली तो फक्त शिवसैनिकांच्या भावनेचा उद्रेक नाही, सामान्य भावनेचाही उद्रेक आह, असे म्हणत संजय राऊत यांनी शिवसैनिकांच्या आक्रमकतेचं समर्थन केलं आहे.  

'भाजप त्यांना मोठं करतंय'
राणा यांना मोठं आम्ही करत नाही. कालपर्यंत हिंदूत्वावर हल्ले करणारे हे बंटी आणि बबली आहे यांना भाजप किंवा आता नव हिंदूत्ववादी ओवेसी आलेत, ते यांना मोठं करत आहेत. त्यांचेच हात जळणार आहेत. हनुमान चालीसा आम्हाला वाटेल तेव्हा आम्ही वाचू, बाहेरचे व्यक्ती येऊन शिकवणार का, असा सवालही संजय राऊत यांनी केला आहे