इफेड्रीन प्रकरण - ममताला दोन वर्षापूर्वी केनियात भेटले - मोलीना कुलकर्णी

ममताच्या आग्रहाखातर तिला भेटण्यासाठी केनियात गेले होते. तिथे आमची भेट झाली, पण विकीशी भेट किंवा बातचीतही झाली नाही. गेल्या 15 वर्षात तिने आपल्याला पैसेही

- जितेंद्र कालेकर

ठाणे : ममताच्या आग्रहाखातर तिला भेटण्यासाठी केनियात गेले होते. तिथे आमची भेट झाली, पण विकीशी भेट किंवा बातचीतही झाली नाही. गेल्या 15 वर्षात तिने आपल्याला पैसेही दिले नसल्याचा दावा दाक्षिणात्य अभिनेत्री मोलीना कुलकर्णी हिने ठाणे पोलिसांकडे केला आहे.
सोमवारी तिने आपला जबाब नोंदवल्यानंतर बुधवारी पुन्हा तिचा पुरवणी जबाब नोंदवण्यासाठी ती ठाणो गुन्हे अन्वेषण विभागाच्या अमली पदार्थविरोधी पथकाच्या कार्यालयात आली होती. त्या वेळी सहायक पोलीस आयुक्त भरत शेळके यांच्या पथकाला तिने ही माहिती दिली. मोलीना (रा. मीरा रोड, ठाणे), मोनिका (रा. बंगलोर) आणि ममता (रा. अंधेरी, सध्या केनिया) अशा तिघी बहिणी असून त्यांना आरटीओ अधिकारी म्हणून निवृत्त झालेले वडील मुकुंद कुलकर्णी यांनी प्रत्येकी 25 लाख रुपये दिले. त्याच पैशांची बँकेत गुंतवणूक करून गुजराण करीत आहेत. काही वर्षापूर्वी मोलीनाने दाक्षिणी चित्रपटांमध्येही काम केले. आता आपण साईबाबांची निस्सीम भक्ती करत असल्याचेही ती म्हणाली. 1986 मध्ये विवाह झाला. पण, पतीच्या त्रसाला कंटाळून त्याच्याशी 1989 पासूनच फारकत घेतली. 2000 पूर्वी ममता पैसे द्यायची. त्यानंतर, तिने पैसे देणो बंद केले. एकटीच असल्यामुळे गरजाही फार नाहीत. त्यामुळे फारसे पैसेही लागत नाहीत, म्हणून ममताकडून पैसे घेण्याचाही प्रश्नच नाही. 2002 र्पयत ममता मुंबईतच (भारतात) होती. त्यानंतर, ती दुबईत गेली. ममताच्या आग्रहाखातर 2014 मध्ये तिला भेटण्यासाठी केनियात गेले. तिथे तिची भेट झाली. त्या काळात विकी एकदा घरी आला. पण, त्याच्याशी बातचीत किंवा भेटही झाली नाही.

विकीला ममताची मदत
दुबईत विकी गोस्वामीला अमली पदार्थाच्या तस्करीप्रकरणी मरेर्पयत जन्मठेपेची शिक्षा झाली होती. तिथे त्याला शेख अदालतीमार्फत सोडवण्यासाठी ममताने विशेष प्रयत्न केले. त्याच अदालतीने त्याची शिक्षाही माफ केल्याची माहिती सूत्रंनी दिली.

निर्मात्यांचा बहिष्कार
2003 मध्ये ममता बुरखा घालून फिरायची. त्याच काळात तिचे तोकडय़ा कपडय़ांतील काही मॉडेलिंगचे फोटो प्रदर्शित झाल्यामुळे ती एकदमच चर्चेत आली. शिवसेनेसह काही निर्मात्यांनीही तिच्यावर बहिष्कार घातला होता. त्यानंतरच ती विकी गोस्वामीकडे दुबईत गेल्याची चर्चा होती.

बंगलोरमध्ये राहणारी मोनिका ही दोन क्रमांकाची बहीण असून ती आजारी असते. तिघी बहिणी स्वतंत्र वेगवेगळ्या असून आईवडिलांचे निधन झाले आहे. मोलीनाने ही सर्व माहिती दिली असली तरी तिच्या बँक खात्यांची पडताळणी केली जाणार असून गरज पडल्यास तिला पुन्हा चौकशीला बोलवले जाणार असल्याचे वरिष्ठ पोलीस निरीक्षक उत्तम शेळके यांनी सांगितले.