होळीच्या दिवशी शेतकऱ्याची आत्महत्या

तालुक्यातील उखर्डा या गावातील शेतकरी ज्ञानेश्वर मारोती राऊत (५५) यांनी स्वत:च्या शेतात विष प्राशन करून आत्महत्या केल्याची घटना रविवारी ४ वाजताच्या दरम्यान उघडकीस आली.

वरोरा : तालुक्यातील उखर्डा या गावातील शेतकरी ज्ञानेश्वर मारोती राऊत (५५) यांनी स्वत:च्या शेतात विष प्राशन करून आत्महत्या केल्याची घटना रविवारी ४ वाजताच्या दरम्यान उघडकीस आली.
वरोरा तालुक्यातील उखर्डा या गावातील रहिवासी शेतकरी ज्ञानेश्वर मारोती राऊत यांची गाव शिवारात सात एकर शेती आहे. त्यांना २ मुले २ मुली असून दोन्ही मुलींचे लग्न झाले आहे. मुलींचे लग्न झाल्यानंतर त्यांची आर्र्थिक परिस्थिती खालावली होती. त्यांनी सहकारी सेवा संस्थाचे १ लाख रुपये कर्ज घेतले होते. तसेच इतर कामांकरिता खाजगी व्यापारी व गावकऱ्यांकडून उसने पैसे घेतले होते. (शहर प्रतिनिधी)