गळफास घेऊन शेतकर्‍याची आत्महत्या

लोणार तालुक्यातील सुलतानपूर येथील घटना.

सुलतानपूर (बुलडाणा), दि. २३-सततची नापिकी आणि कर्जाच्या बोजाला कंटाळून अल्पभूधारक शेतकर्‍याने गळफास घेऊन आत्महत्या केल्याची घटना लोणार तालुक्यातील सुलतानपूर येथे गुरुवारी घडली.
शे. शब्बीर शे.अफसर (४६) असे त्यांचे नाव आहे. त्यांच्याकडे १ हेक्टर जमीन असून, त्यांच्यावर स्थानिक सेंट्रल बँकेचे ४५ हजार रुपये थकीत कृषी कर्ज होते. त्यातच तूरचे भाव पडल्यामुळे ते तणावात होते. त्यांच्या पश्‍चात पत्नी, ३ मुली, २ मुले, वृद्ध आई, वडील असा परिवार आहे.