पुणतांब्यात २१ पासून पुन्हा उपोषण

राज्य सरकारने ३४ हजार कोटी रूपयांची जाहीर केलेली शेतकऱ्यांची कर्जमाफी फसवी आहे

लोकमत न्यूज नेटवर्क
पुणतांबा (जि. अहमदनगर) : राज्य सरकारने ३४ हजार कोटी रूपयांची जाहीर केलेली शेतकऱ्यांची कर्जमाफी फसवी आहे. संपूर्ण सातबारा कोरा करण्याच्या मागणीसाठी २१ जुलैपासून पुणतांब्यात बेमुदत उपोषणास बसणार असल्याची माहिती सामाजिक कार्यकर्त्या कल्पना इनामदार (मुंबई) यांनी सोमवारी पुणतांबा येथील गाव सभेत दिली.
अध्यक्षस्थानी ज्ञानेश्वर चव्हाण होते. नामदेव धनवटे, प्रताप वहाडणे, दत्ता आवारी, बाळासाहेब चव्हाण, सोपान पेटकर आदींसह शेतकरी उपस्थित होते. कर्जमाफीचे श्रेय पुणतांबेकरांनाच आहे. काही राजकीय पक्ष श्रेय घेत आहेत, हे दुर्दैवी असल्याचे त्यांनी सांगितले.