धुळ्यात दरोडेखोरांच्या हल्ल्यात पाच जखमी, दीड लाखाची लूट
By Admin | Published: August 3, 2016 05:45 PM2016-08-03T17:45:49+5:302016-08-03T18:32:14+5:30
चौगांव- मालेगाव मार्गावर असलेल्या खंडेराव बारीत काल रात्री 9 ते साडे दहाच्या दरम्यान रस्त्यावर झाडं आडवी टाकून लुटमारीची घटना घडली. या घटनेत दरोडेखोरांनी भाला, रॉड, कोयता
धुळ्यात दरोडेखोरांच्या हल्ल्यात पाच जखमी, दीड लाखाची लूट
Next ऑनलाइन लोकमत
धुळे, दि. ३ - चौगांव- मालेगाव मार्गावर असलेल्या खंडेराव बारीत काल रात्री 9 ते साडे दहाच्या दरम्यान रस्त्यावर झाडं आडवी टाकून लुटमारीची घटना घडली. या घटनेत दरोडेखोरांनी भाला, रॉड, कोयता अशी तीक्ष्ण हत्यारांचा वापर करून पाच जणांना गंभीर जखमी केलं. तसेच, या घटनेत कुसुंबा येथील किराणा व्यापारी सचिन जैन यांच वाहन अडवून दीड लाखाची रोकड दरोडेखोरांनी लांबवली. आवाज देऊनही थांबले नाहीत म्हणून चौगांव परिसरातील दोन युवकांवर तीक्ष्ण हत्यार फेकून जखमी करण्यात आलं, या घटनेतील जखमींची नांव- सचिन जैन, कैलास पाटील,पद्माकर शिंपी, अन्य दोघांना खाजगी रुग्णालयात हलविण्यात आलंय.
चार दिवसापूर्वीच काळगाव -म्हसदी रस्त्यावर शेती माल घेऊन जाणाऱ्या शेतकऱ्याच्या वाहनावर दरोडेखोरांनी दगडफेक करीत लुटमारीचा प्रयत्न केला, मात्र शेतकऱ्याने आरडाओरड केल्याने दरोडेखोर पसार झाले.
चौगांव-मालेगाव-काळगाव-म्हसदी या मार्गावर पोलिसांचं गस्ती पथक असावं अशी ग्रामस्थांची गेल्या तीन वर्षांपासूनची मागणी आहे, मात्र पोलीस ग्रामस्थांच्या या मागणीकडे दुर्लक्ष करीत असल्याने दरोडेखोरांचे फावले असल्याचा आरोप ग्रामस्थांनी केलाय.