सोलापुरात सोमवारपासून चार दिवसाआड पाणी
By admin | Published: April 22, 2016 02:06 PM2016-04-22T14:06:44+5:302016-04-22T14:07:26+5:30
25 एप्रिलनंतर शहराला चार दिवसाआड पाणीपुरवठा करण्याचा प्रशासनाने निर्णय घेतला असल्याची माहिती आयुक्त विजयकुमार काळम-पाटील यांनी गुरुवारी सभेत दिली
सोलापुरात सोमवारपासून चार दिवसाआड पाणी
Next
सदस्यांनी केलेल्या सूचनांची नोंद घेऊन आयुक्तांनी पाणीपुरवठय़ाबाबत घेतलेले निर्णय सभागृहापुढे मांडले.
औज बंधा-यातील पाणी 9 एप्रिल रोजी संपल्यावर पाणीटंचाई निर्माण झाली. शहराला 60 टक्के पाणीपुरवठा टाकळी योजनेतून होत असल्याने पाणीपुरवठा विस्कळीत झाला. तेव्हापासून प्रशासनाने पाणीपुरवठय़ासाठी कसोशीने प्रयत्न केले. आता औज बंधा-यात पाणी आले आहे. दोन दिवसात शहरातील पाणीपुरवठा सुरळीत होईल अशी ग्वाही आयुक्तांनी दिली. पदाधिका-यांनी आग्रह केल्यामुळे चार दिवसाआड पाणीपुरवठा करण्याचा निर्णय घेतला असून, यामुळे बंधा-यातील पाणी 52 ते 55 दिवस पुरणार आहे.
भविष्याचा विचार करता पाण्याचा काटकसरीने वापर करण्यासाठी अपवादात्मक स्थितीत निर्णय घेतला जाईल. यासाठी शहरातील वितरण व्यवस्था सुधारणे, समान वितरण व वितरणाचा अवधी कमी करणे, पाण्याचा अपव्यय टाळणो,बोअर दुरुस्ती, जिथे पाणी जात नाही तेथे टँकर, टाक्यांचे वितरण तपासणो यावर भर दिला जाईल.
