नगरमध्ये सबजेलच्या छताची कौल फोडून ४ कैदी पळाले
By admin | Published: June 13, 2015 11:24 AM2015-06-13T11:24:23+5:302015-06-13T11:33:24+5:30
अहमदनगरमधील जामखेड तालुक्यातील सबजेलच्या छताची कौलं फोडून चार अट्टल गुन्हेगार फरार झाल्याची धक्कादायक घटना घडली आहे
नगरमध्ये सबजेलच्या छताची कौल फोडून ४ कैदी पळाले
Next
अहमदनगर, दि. १३ - अहमदनगरमधील जामखेड तालुक्यातील सबजेलच्या छताची कौलं फोडून चार अट्टल गुन्हेगार फरार झाल्याची धक्कादायक घटना घडली आहे. गृहराज्यमंत्री राम शिंदे यांच्या तालुक्यात ही घटना घडल्याने प्रशासन हादरले आहे. काल मध्यरात्रीच्या सुमारास ही घटना घडली.
रात्री जामखेडमध्ये सुरू असलेला मुसळधार पाऊस व गायब झालेली वीज याचा फायदा घेत या चारही गुन्हेगारांनी तुरूंगातून पळ काढला. जेलच्या छताची कौले फोडत ते फरार झाले. या घटनेची माहिती मिळताच अतिरिक्त पोलीस अधिक्षक पंकज देशमुखांनी सबजेलकडे धाव घेत त्या कैद्यांचा कसून शोध घेण्यास सुरूवात केली.
