गणेश विसर्जनाला गालबोट, विविध दुर्घटनांमध्ये २६ भक्तांचा जलाशयात बुडून मृत्यू

गणेश विसर्जनाच्या वेळी राज्यात मंगळवारी विविध दुर्घटनांमध्ये २६ भक्तांचा जलाशयात बुडून मृत्यू झाला. या दुर्घटनांमुळे उत्सवाला गालबोट लागले.

मुंबई : गणेश विसर्जनाच्या वेळी राज्यात मंगळवारी विविध दुर्घटनांमध्ये २६ भक्तांचा जलाशयात बुडून मृत्यू झाला. या दुर्घटनांमुळे उत्सवाला गालबोट लागले.
विदर्भ व मराठवाड्यात प्रत्येकी ६ जणांचा मृत्यू झाला. पुणे जिल्ह्यात ६ गणेशभक्तांचा मृत्यू झाला़ मुठा नदीतून वाहत जाणा-या तरुणाला अग्निशमन दलाच्या जवानांनी वाचविले. खान्देशात ३, नाशिकमध्ये गंगापूर धरण व इतर जलाशयात विसर्जनाच्या वेळी ४ तर साता-यात एक जण बुडाला.