हार्बर रेल्वेची वाहतूक विस्कळीत

मुंबई, दि. 7 - हार्बर रेल्वे मार्गावरची वाहतूक सेवा विस्कळीत झाली आहे. कुर्ला-चुनाभट्टी रेल्वे स्टेशनदरम्यान रेल्वे रुळाला तडे गेल्याने हार्बर रेल्वे मार्गावरची वाहतूक विस्कळीत झाली आहे.  यामुळे पनवेलच्या दिशेने जाणा-या वाहतुकीवर परिणाम झाला असून पनवेलकडे जाणा-या लोकल 15 ते 20 मिनिटे उशिराने आहेत. ऐन कामावर जाण्याच्या वेळी हार्बर रेल्वेची वाहतूक विस्कळीत झाल्यामुळे प्रवाशांना मनस्ताप सहन करावा लागत आहे.