शरद पवार यांच्यावर ८ ते १० दिवसांत आणखी एक शस्त्रक्रिया होणार: राजेश टोपे 

rajesh tope on ncp sharad pawar surgery: शरद पवार यांना चार ते पाच दिवसांनी डिस्चार्ज मिळू शकेल, असे राजेश टोपे यांनी सांगितले.

ठळक मुद्देराजेश टोपे यांनी दिली शरद पवार यांच्या शस्त्रक्रियेविषयी माहितीशरद पवार यांना चार ते पाच दिवसांनी डिस्चार्ज मिळू शकेल - टोपेडॉक्टरांनी १० दिवसांनी सर्जरी करणे योग्य ठरेल, असे सुचवले आहे - टोपे

मुंबई: राष्ट्रवादी काँग्रेसचे सर्वेसर्वा शरद पवार यांच्यावर ब्रीच कॅण्डी रुग्णालयात शस्त्रक्रिया करण्यात आली. पित्ताशयात खडे झाल्याने शरद पवार यांना मंगळवारी रुग्णालयात दाखल करण्यात आले होते. पित्ताशयाचा खडा शस्त्रक्रिया करुन काढला असून, शरद पवारांना होणाऱ्या वेदना थांबल्या सध्या त्यांची प्रकृती चांगली आहे, अशी माहिती राज्याचे आरोग्यमंत्री राजेश टोपे यांनी दिली. (rajesh tope on ncp sharad pawar surgery)

आरोग्यमंत्री राजेश टोपे यांनी शरद पवार यांच्यावर शस्त्रक्रिया करण्यात आल्यानंतर सकाळी पत्रकारांशी संवाद साधला. शरद पवार यांची प्रकृती उत्तम असून, पुढील चार ते पाच दिवसांनी डिस्चार्ज मिळू शकेल, अशी माहिती टोपे यांनी यावेळी बोलताना दिली. 

बाळासाहेब ठाकरे स्मारकाचे भूमिपूजन ऑनलाइन पाहणार, आम्हालाही आमंत्रण नाही: अनिल परब

शरद पवारांवर पुन्हा एक शस्त्रक्रिया

शरद पवार यांच्यावर पुन्हा एक सर्जरी करावी लागणार असून त्यासाठी त्यांना पुन्हा रुग्णालयात दाखल करावे लागणार आहे. ही शस्त्रक्रिया लगेच किंवा १० दिवसांनी केली जाऊ शकते, असे डॉक्टरांनी सांगितले आहे. शरद पवार यांची प्रकृती लवकर स्थिर झाल्यास ती लवकरही केली जाऊ शकते. तरीही डॉक्टरांनी १० दिवसांनी सर्जरी करणे योग्य ठरेल, असे सुचवले आहे, अशी माहिती राजेश टोपे यांनी दिली.

दरम्यान, शरद पवार यांना सोमवारी पित्ताशयाचा त्रास झाला होता. त्यावेळी बुधवारी रुग्णालयात दाखल करुन शस्त्रक्रिया करण्याचे ठरवण्यात आले होते. मात्र, अधिक त्रास जाणवू लागल्याने मंगळवारी रात्री त्यांच्यावर शस्त्रक्रिया करण्यात आली. यामुळे शरद पवार यांचे सर्व नियोजित कार्यक्रम आणि दौरे रद्द करण्यात आले. पाच राज्यांमध्ये होऊ घातलेल्या विधानसभा निवडणुकींच्या पार्श्वभूमीवर शरद पवार पश्चिम बंगालसह इतर राज्यांमध्ये निवडणुक प्रचार दौरा करणार होते.