मोकाट गुरांचा वाडा येथे हैदोस !

शहरात सुरु असणारा मोकाट गुरांचा प्रश्न आता अधिक जटिल होत चालला आहे.

वाडा : या शहरात सुरु असणारा मोकाट गुरांचा प्रश्न आता अधिक जटिल होत चालला असून शनिवारी रात्री आठच्या सुमारास शंकर गोस्वामी (६५) हे रस्त्यावरून जात असतांना श्रीराम मेडिकल समोर मागून बेफाम धावत येणाऱ्या बैलांनी त्यांना जोरदार धडक देऊन तुडविले. त्यात ते गंभीर जखमी झाले असून त्यांच्यावर खाजगी रु ग्णालयात उपचार सुरु आहेत.
त्यांच्या डाव्या पायाला गंभीर दुखापत झाली असून पायाचे हाड मोडले आहे. ते सेल्समन आहेत. या शारीरिक दुखापतीच्या उपचाराचा खर्च त्यांच्या आवाक्याबाहेर असल्याचे नातेवाईकानी सांगितले.
या आधी राणी काकडे हि ९ वर्षाची मुलगी, नितीन वाडू यांच्या दोन लहान मुली तर एक आजोबा अशा अनेकांना मोकाट गुरांनी गंभीर जखमी केले आहे. हे सगळे प्रकार संतापजनक असून गेल्या वर्षभरापासून ग्रामपंचयातीकडे या समस्येविषयी लोक टाहो फोडत आहेत. मात्र ग्रामपंचाययात प्रशासन एखादा बळी जाण्याची वाट पाहत आहेत का? असा संतप्त सवाल जनता करीत आहे. सरपंच उमेश लोखंडे यांना प्रतिक्रि येसाठी फोन केला असता त्यांनी कुठलाही प्रतिसाद दिला नाही.