देवेंद्र फडणवीस आणि एकनाथ शिंदे यांच्यात गुप्त भेटी कशा व्हायच्या? अमृता फडणवीस यांनी केला मोठा गौप्यस्फोट, म्हणाल्या...

Amruta Fadanvis: परवा विधानसभेत बोलताना Eknath Shinde यांनी आपण Devendra Fadnavis यांना रात्री गुप्तपणे भेटायचो, असं विधान केलं होतं. आता देवेंद्र फडणवीस यांच्या पत्नी अमृता फडणवीस यांनी एकनाथ शिंदे यांच्यातील गुप्त भेटींबाबत मोठा गौप्यस्फोट केला आहे.

नागपूर - जून महिन्याच्या सुरुवातीपासून सुरू झालेल्या राजकीय नाट्यात अनेक अंक समोर आले होते. त्यानंतर एकनाथ शिंदेंच्या नेतृत्वाखाली शिवसेनेच्या अनेक आमदारांनी बंड केल्याने राज्यात मोठी उलथापालथ होऊन उद्धव ठाकरेंच्या नेतृत्वाखाली महाविकास आघाडी सरकार सत्तेतून गेले. तर एकनाथ शिंदे हे भाजपाच्या पाठिंब्याने मुख्यमंत्रिपदी विराजमान झाले. दरम्यान, परवा विधानसभेत बोलताना एकनाथ शिंदे यांनी आपण देवेंद्र फडणवीसांना रात्री गुप्तपणे भेटायचो, असं विधान केलं होतं. आता देवेंद्र फडणवीस यांच्या पत्नी अमृता फडणवीस यांनी एकनाथ शिंदे यांच्यातील गुप्त भेटींबाबत मोठा गौप्यस्फोट केला आहे.

एका वृत्तवाहिनीला दिलेल्या मुलाखतीमध्ये अमृता फडणवीस म्हणाल्या की, देवेंद्रजी रात्री उशिरापर्यंत काम करतात. त्यामुळे माझ्या फार लक्षात आले नाही. पण कधी कधी ते रात्री उशिरा वेशांतर करून बाहेर पडायचे. मलाही त्यांना ओळखणं कठीण जायचं. मी विचारलं तरी विषय टाळायचे. मात्र काही ना काही चाललंय, याची कल्पना मला आली होती. 

एकनाथ शिंदेंच्या भाषणामधून सर्वच पक्षाच्या आमदार आणि कार्यकर्त्यांमध्ये मोठ्या प्रमाणावर नाराजी होती, हे आपल्याला समजलं असेलच. ती कुठे ना कुठे बाहेर पडणारच होती. त्याला बळ देण्याचं त्यांच्या मागे उभं राहण्याचं काम भाजपाने केलं, असेल तर ते चांगलंच आहे, असेही त्यांनी सांगितले. 

देवेंद्र फडणवीस हे राजकारण सोडूनही समाजसेवा करू शकतात. याची मला जाणीव आहे. ती जावीण लोकांनाही झाल्याने देवेंद्र फडणवीस यांची लोकांमधील प्रतिमा उंचावली आहे, अशा शब्दात अमृता फडणवीस यांनी देवेंद्र फडणवीस यांचं कौतुक केलं आहे. 

Read in English