ट्रेलर-कारच्या धडकेत एक ठार

ट्रेलर व कारची समोरासमोर जोरदार धडक झाल्याने कारमधील महिला जागीच ठार झाली

रोहा : मुंबई-गोवा महामार्गावर रोहा तालुक्यातील तिसे तळवली गावाजवळ ट्रेलर व कारची समोरासमोर जोरदार धडक झाल्याने कारमधील महिला जागीच ठार झाली तर लहान मुलासह तीन जण जखमी झाले आहेत. हा अपघात बुधवारी दुपारी साडेतीनच्या सुमारास घडला.
महाडहून सुतारवाडीमार्गे विळे भागाड येथे जाणारा ट्रेलर तळवली गावाजवळ पनवेलहून माणगावकडे जाणाऱ्या इर्टिगा कारला धडकला. या अपघातात अमिना आदम मासतर (६०, रा. पनवेल) ही महिला जागीच ठार झाली. तर गाडीच्या चालकासह तीन जण गंभीर जखमी झाले. त्यांना पुढील उपचारासाठी पनवेल येथे हलवण्यात आले आहे. हा अपघात एवढा भीषण होती की ट्रेलर पलटी होऊन रस्त्याच्या कडेला गेला तर इर्टिगाच्या पुढील बाजूचा चक्काचूर झाला. (वार्ताहर)