मुंबई: हार्बर मार्गावरील माहीम स्थानकाजवळ लोकलचे डबे घसरले, अंधेरीहून सीएसटीकडे जाणारी वाहतूक ठप्प  

मुंबईच्या हार्बर मार्गावरील माहीम स्थानकाजवळ लोकलचे डबे घसरल्याचं वृत्त आहे. मिळालेल्या प्राथमिक माहितीनुसार सकाळी 9 वाजून 45 मिनिटांच्या सुमारास ही घटना घडली.

मुंबई, दि. 25 - मुंबईच्या हार्बर मार्गावरील माहीम स्थानकाजवळ लोकलचे 6 डबे घसरल्याचं वृत्त आहे. मिळालेल्या प्राथमिक माहितीनुसार सकाळी 9 वाजून 45 मिनिटांच्या सुमारास ही घटना घडली. यामध्ये 6 प्रवासी जखमी झाल्याची माहिती आहे. 6 प्रवाशांमध्ये 1 महिला आणि 5 पुरुषांचा समावेश आहे. त्यांना उपचारासाठी रुग्णालयात नेण्यात आलं आहे. 

सकाळी 9.07 वाजता सीएसटीहून अंधेरीच्या दिशेनं जाणाऱ्या लोकलचे डबे माहिमजवळ ट्रॅक क्रॉस करताना रुळावरुन घसरले. 5 नंबरच्या प्लॅटफॉर्मवर ही लोकल येणं अपेक्षित होतं.

मात्र 7 नंबरच्या प्लॅटफॉर्मला जोडणाऱ्या ट्रॅकवरुन 5 नंबरचा ट्रॅक बदलताना लोकलचे 6 डबे घसरले, ज्यात तीन प्रवासी जखमी झाले आहेत. अपघातामुळे अंधेरीहून सीएसटीकडे जाणारी वाहतूक ठप्प झाली आहे. दुपारी दोन वाजेपर्यंत वाहतूक सुरळीत होण्याची शक्यता आहे.