लोकमतच्या छोट्याशा रोपट्याचा आज वटवृक्ष झाला - प्रतिभाताई पाटील

लोकमत वर्तमानपत्राची स्थापना झाली तेव्हापासून मी लोकमत समूहाला ओळखते. जळगाव आवृत्तीचे उदघाटन माझ्या हस्ते झाले होते.

 ऑनलाइन लोकमत 

मुंबई, दि. 11 - लोकमत वर्तमानपत्राची स्थापना झाली तेव्हापासून मी लोकमत समूहाला ओळखते. जळगाव आवृत्तीचे उदघाटन माझ्या हस्ते झाले होते. लोकमत या छोटयाशा रोपटयाचे आज मोठया वटवृक्षात रुपांतर झाले आहे अशा शब्दात माजी राष्ट्रपती प्रतिभाताई पाटील यांनी जीवनगौरव पुरस्कार स्वीकारल्यानंतर लोकमतचे कौतुक केले.  

 

युपीएएल प्रस्तुत लोकमत ‘महाराष्ट्रीयन ऑफ द इयर’ पॉवर्ड बाय कर्म आणि अजिंक्य डीवाय पाटील विद्यापीठ, पुणे यांच्या सहकार्याने साकारत आहे.

 

 

हा सोहळा थेट पाहा फेसबुकवर...

facebook.com/lokmat

 

आयुष्यात तुम्ही जे कार्य करता त्यासाठी जीवनगौरव पुरस्कार असतो. 1962 मध्ये मी 27 वर्षांची असताना पहिली निवडणूक जिंकली. राजकारणात यश, अपयश, संघर्षाचा सामना करावा लागला. समाजसेवा मेहनत, प्रामाणिकपणा आयुष्याचा उद्देश होता. काम करत असताना राष्ट्रपती बनले. देश आणि जनतेने राष्ट्रपती बनवले. जनतेच्या आर्शिवादात ताकत असते असे प्रतिभाताईंनी सांगितले.  

 

निवडणुकीत कधीही अयशस्वी झाले नाही. प्रत्येक पाऊल दृढसंकल्पाने टाकले. राष्ट्राची सेवा पूर्ण जबाबदारीने केली आज मी समाधानी आहे असे त्यांनी सांगितले. प्रतिभाताईंनी यावेळी मुख्यमंत्री देवेंद्र फडणवीस, केंद्रीय गृहमंत्री राजनाथ सिंह आणि रामदास आठवले यांचे  कौतुक केले.  

 

ज्यांनी महाराष्ट्राचे नाव उंचावले, इथल्या मातीची शान वाढविली आणि इथे प्रगती घडवून आणली अशा १४ क्षेत्रांतील मान्यवरांना लोकमत ‘महाराष्ट्रीयन ऑफ द इयर’ या पुरस्काराने सन्मानित करण्यात येणार आहे. प्रसिद्धीच्या झोतापासून दूर राहिलेल्या बहुआयामी व्यक्तिमत्त्वांचा गौरव करण्यासाठी लोकमतने उचललेले पाऊल हे आता केवळ सोहळा नव्हे, तर गौरवशाली परंपरा बनू पाहात आहे.

 

लोकमत ‘महाराष्ट्रीयन ऑफ द इयर’ पुरस्काराच्या यंदाच्या चौथ्या पर्वातील विजेते ठरविण्याची मोलाची कामगिरी महाराष्ट्राच्या अभिमानात भर टाकणाऱ्या ११नामांकित ज्युरींनी पार पाडली आहे. जाहीर झालेली नामांकने, त्यावर जगभरातील वाचकांनी भरभरून दिलेली मते या पार्श्वभमीवर तब्बल साडेतीन तासांच्या विचार मंथनातून केंद्रीय मंत्री नितीन गडकरी यांच्यासह ११ नामवंत ज्युरींनी विजेत्यांच्या नावांवर शिक्कामोर्तब केले आहे. 

 

‘लोकमत’ने केलेल्या मंथनातून जाहीर झालेली १४ कॅटेगरीतील नामांकने आणि लोकमताचा कौल यावर अंतिम निवडीचा साज चढविण्याची जबाबदारी आनंदाने पार पाडणाऱ्या ज्युरी मंडळात केंद्रीय भूपृष्ठ वाहतूक मंत्री नितीन गडकरी, डॉ. प्रकाश आमटे, अर्णव गोस्वामी, मिलिंद देवरा, महेश भट्ट, विक्रम लिमये, विक्रम श्रॉफ, सुनील सूद, डॉ. रमाकांत पांडा, विजय दर्डा आणि मृणाल कुलकर्णी यांचा सहभाग आहे.

 

यंदा मोलाची भर...: आता चौथ्या पर्वात "लोकसेवा-समाजसेवा", "परफॉर्मिंग आर्ट्स", "कला", "क्रीडा", रंगभूमी, मराठी चित्रपट, "उद्योग", ‘पायाभूत सेवा’, "राजकारण", "प्रशासन (आश्वासक)" यातील एकंदर १३ कॅटेगरींसह "वैद्यकीय" क्षेत्राचा समावेश करण्यात आला आहे. विशेष म्हणजे, या १४ पुरस्कारांच्या व्यतिरिक्त स्पर्धेच्या पलीकडे जाणारे उत्तुंग कर्तृत्व सिद्ध केलेल्या सहा महनीय व्यक्तींना विशेष पुरस्कार दिला जाणार आहे.

 

नामांकन प्राप्त व्यक्तींना जगभरातील वाचकांनी लोकमतच्या वेबसाइटवर मतदानाद्वारे दिलेली पसंती तसेच ११ नामवंत ज्युरींचा कौल यांच्या एकत्रित विचारातून या पुरस्काराचे मानकरी ठरत आहेत. तब्बल दोन दशलक्ष वाचकांनी या मतदानात सहभागी होत १४  कॅटेगरीतील नामांकनांसाठी दीड कोटी मते नोंदविली.

 

सर्व पुरस्कारांच्या माहितीसाठी क्लिक करा

lmoty.lokmat.com