देवेंद्र फडणवीसांनी केला एकनाथ शिंदेंना फोन, तब्येतीची विचारपूस; मुंबईत कधी परतणार?

Maharashtra Assembly Vidhan Sabha Election 2024 Result: एकनाथ शिंदे मुंबईत परतल्यानंतर महायुतीची एक महत्त्वाची बैठक होणार असल्याचे सांगितले जात आहे.

Maharashtra Assembly Vidhan Sabha Election 2024 Result: विधानसभा निवडणुकीच्या निकालानंतर आठवडाभरानंतर महायुती सरकारचा शपथविधी कधी होणार, याबाबत स्पष्टता आली आहे. राज्यातील महायुती सरकारचा शपथविधी पंतप्रधान नरेंद्र मोदी यांच्या उपस्थितीत गुरुवार, ५ डिसेंबर २०२४ रोजी सायंकाळी ५ वाजता आझाद मैदान, मुंबई येथे संपन्न होणार आहे. महाविकास आघाडीचे नेते सातत्याने ईव्हीएम मशीनवरून टीकास्त्र सोडत असून, फेरमतमोजणीसाठी उमेदवार अर्ज करत आहेत. आपल्या गावी केलेल्या काळजीवाहू मुख्यमंत्री एकनाथ शिंदे यांची प्रकृती अचानक बिघडली. त्यांच्यावर उपचार सुरू करण्यात आले. 

एकनाथ शिंदे हे आपल्या साताऱ्यातील मूळ गावी आहेत. सत्ता स्थापनेच्या धावपळीतच ते गावी आल्याने अनेक चर्चांना उधाण आले होते. गावी आल्यानंतर एकनाथ शिंदेंची तब्येत बिघडल्याची माहिती मिळाली. दरे येथील त्यांच्या बंगल्यावर डॉक्टरांची टीम दाखल झाली. डॉक्टरांनी उपचार सुरू केले आहेत. प्रकृतीच्या कारणास्तव शिंदे यांनी घरीच आराम करणे पसंत केले. देवेंद्र फडणवीस यांनी एकनाथ शिंदे यांना फोन करून तब्येतीची विचारपूस केल्याचे सांगितले जात आहे. याबाबत

एकनाथ शिंदे मुंबईत केव्हा परतणार?

एकीकडे महायुतीच्या शपथविधी सोहळ्याची जय्यत तयारी सुरू झाली आहे. कोणते नेते, मंत्री येणार, याबाबत अंतिम यादी तयार केली जात आहे. तशी निमंत्रणे, आमंत्रणे पाठवली जात आहेत. मुख्यमंत्री कोण होणार, याबाबत अद्याप अनिश्चितता आहे. तसेच महायुतीतील किती जण त्या दिवशी शपथ घेणार, खातेवाटप काय होणार, याबाबत अद्यापही निर्णय झाले नसल्याचे सांगितले जात आहे. एकनाथ शिंदे गावी निघून गेल्यामुळे महायुतीची बैठक लांबणीवर पडली. आज सायंकाळी एकनाथ शिंदे गावाहून निघून ठाणे येथे येणार असल्याची माहिती देण्यात आली आहे. त्यानंतर महायुतीची बैठक होऊन, सर्व मुद्दे अंतिम निर्णय होण्याची शक्यता वर्तवली जात आहे.

दरम्यान,  डॉ. आर. एम. पार्टे हे एकनाथ शिंदे यांच्यावर उपचार करत आहेत. डॉक्टर म्हणाले की, एकनाथ शिंदे यांना ताप येत आहे, सर्दी आहे, घशाचा संसर्ग झाला आहे. त्यांच्यावर आता उपचार सुरू केले आहेत. सलाइन लावले आहे. आयव्ही लावला आहे. त्यांना एक दोन दिवसांत बरे वाटले याची खात्री आहे. आता प्रकृती चांगली आहे. लवकरच ते मुंबईला जाणार आहेत. तसेच प्रकृती बरी नसल्याने एकनाथ शिंदे यांनी अनेकांची भेट नाकारली.