Maharashtra Bandh Live Updates: आयटीच्या छाप्यांवरून लक्ष वळविण्यासाठी महाविकास आघाडीने बंद पुकारला: चंद्रकांत पाटील

Maharashtra Bandh Updates in Marathi, Lakhimpur kheri case: उत्तर प्रदेशातील लखीमपूर खेरी इथं शेतकरी मोर्चात वेगवान गाडीने शेतकऱ्यांना चिरडल्यामुळे काही जणांचा मृत्यू झाला. या घटनेनंतर संपूर्ण देशभरात हळहळ व्यक्त करण्यात येत आहे.

मुंबई - काही दिवसांपूर्वी उत्तर प्रदेशातील लखीमपूर खेरी (Lakhimpur Kheri Violence) इथं एका वेगवान कारने शेतकऱ्यांना चिरडण्याचा संतापजनक प्रकार घडला होता. या घटनेचे पडसाद संपूर्ण देशभरात पसरले. विरोधकांनी या मुद्द्यावरुन केंद्र सरकारवर निशाणा साधला. इतकचं नव्हे तर ही वेगवान कार भाजपाच्या केंद्रीय मंत्री अजय मिश्र यांचा मुलगा आशिष मिश्र चालवत असल्याचं आरोप झाला. 

मंत्र्याच्या ताफ्यातील वाहनाने शेतकऱ्यांना चिरडल्यामुळे हिंसाचार पसरला. या घटनेचा व्हिडीओ समोर येऊनही आशिष मिश्र याच्यावर कुठलीही कारवाई झाली नसल्याने हिंसाचार आणखी वाढला. या घटनेत ४ शेतकऱ्यांसह ८ जणांचा मृत्यू झाला होता. उत्तर प्रदेशात घडलेल्या या घटनेचा निषेधार्थ महाविकास आघाडीनं महाराष्ट्र बंद(Maharashtra Bandh) हाक देण्यात आली आहे. महाविकास आघाडी म्हणजेच शिवसेना(Shivsena), काँग्रेस(Congress), राष्ट्रवादी काँग्रेस(NCP) राज्यभरात हा बंद पुकारला आहे. बंदच्या पार्श्वभूमीवर सर्व कार्यकर्त्यांना शांततेत बंद करावा असं आवाहन करण्यात आले आहेत. महाराष्ट्र बंदमध्ये हॉस्पिटल, रुग्णवाहिका, आरोग्य सुविधेशी निगडीत कार्यालयं आणि त्यांची वाहतूक, सरकारी कार्यालये, स्वच्छता यंत्रणांना बंदमधून वगळण्यात आलं आहे. सर्व दुकाने, व्यापार, कारखाने, खासगी कार्यालये, हाॅटेल्स, ऑटो-टॅक्सी सेवा आदी बंद करण्याचा इशारा आहे. सार्वजनिक वाहतूक सेवा बंदमध्ये सहभागी नसणार आहे. 

05:19 PM

रिक्षा चालकांना मारहाण झाली नाही; व्यापारी स्वच्छेने बंदमध्ये सहभागी; एकनाथ शिंदेंचा दावा

रिक्षा चालकांना मारहाण झाली नाही; व्यापारी स्वच्छेने बंदमध्ये सहभागी; एकनाथ शिंदेंचा दावा

04:46 PM

डोंबिवलीत आंदोलनकर्ते आणि पोलिसांमध्ये शाब्दिक चकमक

लखीमपूर हत्याकांडाच्या निषेधार्थ कल्याण  डोंबिवली शहरात सोमवारी सकाळपासूनच राष्ट्रवादी  काँग्रेस आणि काँग्रेस पक्षाकडून ठिकठिकाणी  निदर्शन करण्यात आली. पोलीस आणि आंदोलनकर्त्यांमध्ये शाब्दिक चकमक देखील झाली. 

04:19 PM

आज वसुली चालू आहे की बंद?, अमृता फडणवीसांचा खोचक टोमणा

आज वसुली चालू आहे की बंद?, अमृता फडणवीसांचा खोचक टोमणा

Maharashtra Bandh : आज वसुली चालू आहे की बंद?, अमृता फडणवीसांचा खोचक टोमणा https://t.co/5Xp6nnbyLy

— Lokmat (@MiLOKMAT) October 11, 2021

 

04:18 PM

आयटीच्या छाप्यांवरून लक्ष वळविण्यासाठी महाविकास आघाडीने बंद पुकारला: चंद्रकांत पाटील

आयटीच्या छाप्यांवरून लक्ष वळविण्यासाठी महाविकास आघाडीने बंद पुकारला: चंद्रकांत पाटील

03:41 PM

ठाणे बंद करणाऱ्या शिवसैनिकांना पोलिसांनी ताब्यात घेतलं; एकाला गाडीत दिला चोप

शिवसैनिकांना गाडीमध्ये पोलिसांनी चोपले, शूटिंग करणाऱ्या पत्रकारांनाही धक्काबुक्की, ठाण्यात जांभळी नाका ते स्टेशन परिसर, नौपाडा या भागात शिवसैनिक रस्त्यावर उतरून दुकाने बंद करण्याचा प्रयत्न करत होते. #Shivsena#MaharashtraBandhpic.twitter.com/F3GEUDIS6J

— Lokmat (@MiLOKMAT) October 11, 2021

02:54 PM

देवेंद्र फडणवीसांची शरद पवारांवर टीका; मावळ गोळीबार आठवत नाही का?

पुण्यातील मावळमध्ये पाणी मागणाऱ्या शेतकऱ्यांना गोळ्यांनी मारलं. ते जालियानवाला हत्याकांड आहे. याचा विसर आत्ताच्या लोकांना पडला आहे. ठाकरे सरकार ढोंगी सरकार आहे – देवेंद्र फडणवीस, विरोधी पक्षनेते

02:42 PM

कुर्ला पश्चिमेकडे व्यापारी बंदमध्ये सहभागी; बहुतांश दुकानांचे शटर बंद

02:38 PM

दुकानं बळजबरीनं बंद करण्याला भाजपाचा विरोध; पोलिसांनी एकाला घेतलं ताब्यात

जोर जबरदस्ती विरोधात भाजपा मैदानात... pic.twitter.com/bRXWEV6mpb

— Atul Bhatkhalkar (@BhatkhalkarA) October 11, 2021

02:32 PM

मुंबई उपनगरात कडकडीत महाराष्ट्र बंद; मविआ कार्यकर्त्यांचं लोकांना आवाहन

मुंबईत उपनगरात दिंडोशी, ,गोरेगाव, जोगेश्वरीमध्ये आज कडकडीत महाराष्ट्र बंद पाळण्यात आला. आमदार सुनील प्रभू यांच्या नेतृत्वाखाली महाविकास आघाडीच्या सर्व कार्यकर्त्यानी नागरिकांना बंदमध्ये सहभागी होण्याचं आवाहन केले. तर मालाड पूर्व कुरार मध्ये महाआघाडीतर्फे मोदी सरकारच्या विरोधात जोरदार निदर्शने करण्यात आली. यावेळी काँग्रेस-राष्ट्रवादीचेही कार्यकर्ते सहभागी होते. 

02:11 PM

'महाराष्ट्र बंद' आंदोलन करणारे वरळीतील शिवसैनिक पोलिसांच्या ताब्यात

'महाराष्ट्र बंद' आंदोलनात सहभागी असणाऱ्या शिवसैनिकांची वरळीत पोलिसांची धरपकड

02:00 PM

घाटकोपरमध्ये राष्ट्रवादी काँग्रेसच्या कार्यकर्त्यांनी केंद्र सरकारविरोधात घोषणाबाजी

मोदी सरकार हाय हाय...योगी सरकारचा धिक्कार असो..अशा जोरदार घोषणाबाजी देत राष्ट्रवादी काँग्रेसनं घाटकोपर श्रेयस सिग्नल व सर्वोदय सिग्नल समोरचा परिसर दणाणून सोडला होता. लखीमपूर हिंसाचाराचा निषेध आणि शेतकऱ्यांच्या समर्थनार्थ राष्ट्रवादीच्या नेत्यांनी व कार्यकर्त्यांनी मोदी-योगी सरकारचा जोरदार निषेध केला

01:48 PM

अंधेरी पूर्व येथे महाविकास आघाडीचे कार्यकर्ते रस्त्यावर; दुकानं बंद करण्याचं आवाहन

'महाराष्ट्र बंद' यशस्वी करण्यासाठी महाविकास आघाडीचे कार्यकर्ते रस्त्यावर उतरले आहेत. अंधेरी पूर्व येथील रेल्वे स्टेशनबाहेर परिसरात कार्यकर्त्यांनी व्यापाऱ्यांना दुकानं बंद ठेवण्याचं आवाहन केले. 

01:35 PM

यवतमाळमध्ये 'महाराष्ट्र बंद'ला संमिश्र प्रतिसाद; ग्रामीण भागात उत्स्फुर्त बंद

महाविकास आघाडीच्या वतीने पुकारण्यात आलेल्या महाराष्ट्र बंदमध्ये काॅंग्रेस, सेना, राष्ट्रवादीसह प्रहार जनशक्ती पार्टीही सहभागी झाली आहे. सकाळपासूनच लाऊड स्पीकरवर बंदचे आवाहन करण्यात येत होते. याला बहुतांश व्यापाऱ्यांनीही प्रतिसाद दिला. शहराच्या तुलनेत ग्रामीण भागात मात्र बंदला मोठा प्रतिसाद मिळत आहे.  

01:33 PM

कल्याणमध्ये शिवसैनिकांनी पोलिसांसोबत घातला वाद; कामकाज बंद पाडण्याचा प्रयत्न

कल्याण डोंबिवली महापालिका मुख्यालयातील कामकाज बंद पाडण्याचा प्रयत्न करण्यात आला. यावेळी बाजारपेठ पोलिसांनी मुख्यालयात धाव घेतली. पोलिस आणि कामगार संघटनेच्या पदाधिकाऱ्यांमध्ये वादंग झाला

01:26 PM

"मावळमध्ये पाणी मागणाऱ्या शेतकऱ्यांवर गोळीबार करणारे बंद करत आहेत"

मावळमध्ये पाणी मागणाऱ्या शेतकऱ्यांवर गोळीबार करणारेच आज बंद पुकारत आहेत. महाविकास आघाडी सरकार ढोंगी सरकार आहे. माध्यमांपुढे फक्त बोलणारे लोकं आहेत. मराठवाड्यातील शेतकऱ्यांचे अश्रू पुसण्यासाठी कुणी गेले? मुख्यमंत्री, उपमुख्यमंत्री सोडा तर पालकमंत्रीही फिरकले नाहीत. शेतकरी सन्मान योजनेचे पैसे थेट शेतकऱ्यांच्या खात्यात जात आहेत. परंतु राज्य सरकार काहीच द्यायला तयार नाहीत - देवेंद्र फडणवीस 

01:24 PM

शिवडी येथे व्यापारांनी उत्स्फुर्तपणे घेतला 'महाराष्ट्र बंद'मध्ये सहभाग

शिवडी येथे व्यापारांचा कडकडीत बंद, महाविकास आघाडीने पुकारलेल्या 'महाराष्ट्र बंद' दुकानदारांचा पाठींबा 

01:21 PM

कोल्हापूरात काँग्रेस-राष्ट्रवादी कार्यकर्त्यांची केंद्राविरोधात घोषणाबाजी

कोल्हापूर शहरात काँग्रेस, राष्ट्रवादी काँग्रेस कार्यकर्त्यांनी शिवाजी चौकात केंद्र सरकार विरोधात घोषणाबाजी केली

01:11 PM

विक्रोळी इथं शिवसेनेचा रास्ता रोको; टायर जाळून वाहतूक केली ठप्प

ईस्टर्न एक्सप्रेस हायवेला शिवसेनेचे आमदार सुनील राऊत हे शिवसैनिकांसह रस्त्यावर उतरले. टायर जाळून केला रस्ता रोको, दोन्ही बाजूची वाहतूक गेल्या अर्ध्यातासापासून ठप्प #Shivsena#MaharashtraBandhpic.twitter.com/hVvR3srzLp

— Lokmat (@MiLOKMAT) October 11, 2021

01:11 PM

मंत्रिमंडळ बैठकीत 'महाराष्ट्र बंद'चा निर्णय; देशाच्या इतिहासात पहिल्यांदाच घडलं

बेस्टच्या बसेस फोडण्यात आल्या हे सगळं ठरवून झालं आहे. उच्च न्यायालयाने याची दखल घेतली पाहिजे. अशाप्रकारे बंद करण्यास सुप्रीम कोर्टाने बंदी घातली आहे. परंतु न्यायालयाचा अवमान वारंवार केला जात आहे. त्यामुळे न्यायालयाने याची दखल घेतली पाहिजे. ठाकरे सरकार वसुली सरकार आहे. संपत्तीचं नुकसान झालं त्याची वसुली सरकारकडूनच केली पाहिजे. कायदा सुव्यवस्था राखण्याची जबाबदारी ज्यांच्यावर आहे तेच बंद पुकारतात. मंत्रिमंडळ बैठकीत महाराष्ट्र बंदचा निर्णय होतो हे देशाच्या इतिहासात पहिल्यांदाच घडलंय असा आरोप विधानसभेचे विरोधी पक्षनेते देवेंद्र फडणवीस यांनी केला आहे. 

12:46 PM

ठाण्यात रिक्षा बंद करण्यासाठी शिवसेना आक्रमक

ठाण्यात शिवसैनिकांची दादागिरी; रिक्षाचालकांना दांडक्याने मारहाण करत बंदमध्ये सहभागी होण्याचा इशारा #Shivsena#MaharashtraBandhpic.twitter.com/0Ivmu2IWG0

— Lokmat (@MiLOKMAT) October 11, 2021

12:07 PM

रत्नागिरीत शिवसेनेची दडपशाही; दुकान बंद करण्यासाठी दबाव

रत्नागिरीत 'महाराष्ट्र बंद'ला पाठिंबा मिळावा यासाठी शिवसेना आक्रमक, दुकान सुरु ठेवणाऱ्या दुकानदाराला शिवीगाळ, बंदमध्ये सहभागी होण्यासाठी दबाव #Shivsena#MaharashtraBandhpic.twitter.com/C2BRLqdWKt

— Lokmat (@MiLOKMAT) October 11, 2021

11:35 AM

दादर शिवसेना भवनासमोर शिवसैनिक जमले; 'महाराष्ट्र बंद'साठी दुकानदारांना आवाहन

'महाराष्ट्र बंद'ला दादरमध्ये प्रतिसाद, व्यापाऱ्यांनी दुकानं बंद ठेवली, आमदार सदा सरवणकर यांच्यासह शिवसैनिक रस्त्यावर उतरले #Shivsena#MaharashtraBandhpic.twitter.com/bGlgxPa2Vq

— Lokmat (@MiLOKMAT) October 11, 2021

11:05 AM

चेंबूर इथं वाहतूक रोखली; शिवसेना-काँग्रेस कार्यकर्त्यांचा रस्त्यावर ठिय्या आंदोलन

पूर्व द्रुतगती महामार्गावर चेंबूरजवळील अमर महल चौक येथे काँग्रेस व शिवसेनेच्या कार्यकर्त्यांनी रस्त्यावर बसून ठिय्या आंदोलन सुरू केलं, वाहतूक रोखली #MaharashtraBandhpic.twitter.com/6WolWO0NB7

— Lokmat (@MiLOKMAT) October 11, 2021

10:43 AM

'महाराष्ट्र बंद'साठी दुकानं बंद ठेवण्याचं आवाहन; शिवसेना-राष्ट्रवादी रस्त्यावर उतरली

 महापौर नरेश म्हस्के तसेच राष्ट्रवादी काँग्रेसचे ठाणे अध्यक्ष आनंद परांजपे यांच्यासमवेत मोठ्या संख्येने कार्यकतें रस्त्यावर उतरले . यावेळी दोन्ही पक्षाच्या नेत्यांनी व्यापाऱ्यांना दुकाने बंद करण्याचे आवाहन केले . दरम्यान कोणत्याही प्रकारचा अनुचित प्रकार घडू नये यासाठी ठाण्यात महत्वाच्या मोठा पोलीस बंदोबस्त लावण्यात आला आहे.

ठाण्यात व्यापारांचा 'महाराष्ट्र बंद'ला विरोध; शिवसेना, राष्ट्रवादीच्या कार्यकर्त्यांनी जबरदस्तीनं दुकानं बंद करण्यास पाडलं भाग #MaharashtraBandhpic.twitter.com/z2mzBgr4c4

— Lokmat (@MiLOKMAT) October 11, 2021

10:11 AM

'बेस्ट'च्या ८ बसेसची तोडफोड; 'महाराष्ट्र बंद'ला हिंसक वळण

तोडफोडीच्या घटना पाहता बेस्टच्या व्यवस्थापनाने पोलीस संरक्षणाची मागणी केली आहे. बंदच्या परिस्थितीचा आढावा घेऊन सर्व आगारातून बसगाड्या चालवण्यात येणार आहेत.

मध्यरात्रीपासून आज सकाळी पहाटेच्या दरम्यान बेस्टच्या ८ बसगाड्या आणि भाडेतत्वावरील एका बसगाडीची तोडफोड धारावी, मानखुर्द, शिवाजी नगर, चारकोप, ओशिवरा, देवनार, इनॉर्बिट मॉल अशा विविध भागात या तोडफोडीच्या घटना घडल्या आहेत #MaharashtraBandhpic.twitter.com/q2Ai11XJb6

— Lokmat (@MiLOKMAT) October 11, 2021

09:57 AM

ज्यांचं राज्यात सरकार तेच बंदसाठी लोकांवर दबाव टाकतायेत; आमदार राम कदमांची टीका

स्वातंत्र्यानंतर इतिहासात पहिल्यांदाच असं घडलंय की, एखाद्या राज्याच्या सरकारनं लोकांनाच बंद करायचं आवाहन केले आहे. राज्यातील तीन पक्ष जबरदस्तीनं लोकांना बंदमध्ये सहभागी होण्यासाठी दबाव टाकत असतील तर भाजपा त्यांना उत्तर देईल. शेतकऱ्यांच्या आडून महाविकास आघाडीने राजकारण करू नये. भाजपा आमदार राम कदम यांची सरकारवर टीका

भाजपा आमदार राम कदम यांची महाविकास आघाडीवर टीका #MaharashtraBandhpic.twitter.com/lLaWRwM43q

— Lokmat (@MiLOKMAT) October 11, 2021

09:42 AM

'महाराष्ट्र बंद'ला मनसेचा विरोध; निषेध करायचा असेल तर १ दिवसाचं अधिवेशन बोलवा

लोकसभेत शेतकरी विरोधातील विधेयक पास होतं तेव्हा महाविकास आघाडीचे खासदार शेपूट घालून गप्प का बसले होते? राज्यसभेत शरद पवार अनुपस्थित का होते? या सगळ्यांची उत्तरं द्यावी लागतील. उत्तर प्रदेशातील घटना निषेधार्थ आहेत. लॉकडाऊनमुळे राज्यातील जनता त्रस्त आहे. निषेध करायचा असेल तर एक दिवसाचं अधिवेशन बोलवा. घटनेच्याविरोधात ठराव करा. चर्चा करा. मुख्यमंत्री उद्धव ठाकरे दिल्लीत जाणार. पंतप्रधान मोदींशी बोलणार. तुमचे संबंध चांगले आहेत असं बोलणार मग तुमच्या राजकारणासाठी महाराष्ट्रातील जनतेला वेठीस धरणार हे कसलं राजकारण? असा सवाल मनसेचे सरचिटणीस संदीप देशपांडे यांनी सरकारला केला आहे. 

उत्तर प्रदेशच्या घटनेचा निषेध करायचा होता तर विधानसभेचे एक दिवसीय अधिवेशन बोलावून ठराव करायचा होता. त्यावर चर्चा करायची होती. महाराष्ट्रातील जनतेला सणासुदीच्या काळात वेठीस धरण्याचं हे कसलं राजकारण, महाराष्ट्र बंदला मनसेचा विरोध #MaharashtraBandhpic.twitter.com/1X2ja5tUSD

— Lokmat (@MiLOKMAT) October 11, 2021

09:35 AM

'महाराष्ट्र बंद'चा सार्वजनिक वाहतुकीवर परिणाम; खासगी वाहतूक सुरू

मुंबईत बेस्ट बसेस कमी तर रिक्षा वाहतूक सुरू (व्हिडीओ - दत्ता खेडेकर) #MaharashtraBandhpic.twitter.com/Q9oso3v34i

— Lokmat (@MiLOKMAT) October 11, 2021

09:01 AM

सर्वसामान्य प्रवाशांची टॅक्सीवाल्यांकडून लूट; 'महाराष्ट्र बंद' मुंबईकरांना फटका

महाराष्ट्र बंदमुळे बेस्टच्या बसेस रस्त्यावर उतरल्या नाहीत. दादर ते केईएम रुग्णालय,परळ टॅक्सी दरदिवशी दहा रुपये भाडे घेतात.मात्र आज बस नसल्याने १५-२० रुपये आकारले जात आहेत #MaharashtraBandhpic.twitter.com/5Zm7KCjzS0

— Lokmat (@MiLOKMAT) October 11, 2021

08:44 AM

सोलापूरात 'महाराष्ट्र बंद'ला प्रतिसाद नाही; बाजार समितीत मोठी गर्दी

सोलापूर येथे महाराष्ट्र बंदला प्रतिसाद नाही. शहर व जिल्ह्यातील सार्वजनिक वाहतूक व्यवस्था सुद्धा सुरळीतपणे सुरू आहे. त्याचसोबत सर्व व्यवहार नेहमीप्रमाणे सुरु ठेवण्यात आले आहेत. बाजार समितीत मोठी गर्दी झाल्याचं पाहायला मिळत आहे. 

सोलापूर इथं महाराष्ट्र बंदला सोलापुरात प्रतिसाद नाही; सर्व व्यवहार सुरळीत, बाजार समितीत मोठी गर्दी #MahrashtraBandhpic.twitter.com/Q3WWZJOOPb

— Lokmat (@MiLOKMAT) October 11, 2021

08:33 AM

'महाराष्ट्र बंद'चा कांदा लिलावावर परिणाम; लासलगावमध्ये व्यापाऱ्यांनी मार्केट बंद ठेवलं

नाशिकचं लासलगाव कांदा मार्केट बंद, व्यापाऱ्यांनी 'महाराष्ट्र बंद'ला दिला १०० टक्के प्रतिसाद, बाजार समितीतील कांदा लिलावाचे कामकाज बंद असल्याने शुकशुकाट #MaharashtraBandhpic.twitter.com/UKMb9skQJQ

— Lokmat (@MiLOKMAT) October 11, 2021

08:29 AM

ST सुरु पण प्रवाशांचा अल्प प्रतिसाद; एसटी सेवा बंद होण्याची शक्यता

सकाळी आठ वाजेपर्यंत सर्व एसटी गाड्या परळ, मुंबई व कुर्ला नेहरूनगर येथून बाहेर पडल्या. एकही गाडी रद्द नाही. एसटी सुरू पण प्रवाशांचा अल्प प्रतिसाद मिळत आहे. एका फेरीचे उत्पन्न ३५०० वरून १७०० वर आले आहे. प्रवासी कमीच असतील काही वेळाने एसटीची सेवा बंद करण्यात येईल अशी माहिती देण्यात आली आहे. 

08:02 AM

'महाराष्ट्र बंद'ला भाजपाचा विरोध; महाविकास आघाडी राजकारण करत असल्याचा आरोप

१०५० कोटींच्या दलालीचे पुरावे आयकर खात्याला सापडल्याने लखीमपूर प्रकरणाच्या ढालीआडून महाराष्ट्र बंद पुकारून या गंभीर प्रकरणावरून जनतेचे लक्ष अन्यत्र वळविण्याचे हे तर हीन राजकारण महाविकासआघाडी सरकार खेळत आहे असा आरोप भाजपाचे मुख्य प्रवक्ते केशव उपाध्ये यांनी केला आहे. महाराष्ट्र बंदविरोधात भाजपाने टीकास्त्र सोडलं आहे. 

लखीमपूर प्रकरणाच्या ढालीआडून महाराष्ट्र बंद पुकारून या गंभीर प्रकरणावरून जनतेचे लक्ष अन्यत्र वळविण्याचे हे तर हीन राजकारण महाविकासआघाडी सरकार खेळत आहे. लखीमपूरची चर्चा करूच पण इथल्या शेतकऱ्यांना मदत कधी देणार @OfficeofUT@NANA_PATOLE@AjitPawarSpeaks

— Keshav Upadhye (@keshavupadhye) October 11, 2021