CoronaVirus: दिलासादायक! राज्याचा रिकव्हरी रेट ९२.७६ टक्के; ३६ हजार रुग्णांची कोरोनावर मात

CoronaVirus: राज्यातील जनतेसाठी दिलासादायक वृत्त आहे.

ठळक मुद्देराज्यातील रिकव्हरी रेट ९२.७६ टक्के३६ हजार रुग्णांची कोरोनावर मातमुंबईकरांनाही दिलासादायक वृत्त

मुंबई: राज्यातील जनतेसाठी दिलासादायक वृत्त आहे. राज्य सरकारच्या सार्वजनिक आरोग्य विभागाकडून जारी करण्यात आलेल्या आकडेवारीनुसार गेल्या २४ तासांत तब्बल ३६ हजार १७६ रुग्ण कोरोनामुक्त झाले असून, यामुळे राज्यातील रुग्ण बरे होण्याचे प्रमाण म्हणजेच रिकव्हरी रेट ९२.७६ टक्क्यांवर गेला आहे. तसेच गेल्या २४ तासांत राज्यांत एकूण २४ हजार १३६ नव्या कोरोनाबाधितांची नोंद करण्यात आली आहे. (maharashtra reports 24 136 new corona cases and 601 deaths in last 24 hours) 

मिळालेल्या आकडेवारीनुसार, गेल्या २४ तासांत राज्यांत २४ हजार १३६ नव्या कोरोना रुग्णांची नोंद झाली आहे. तर, याच कालावधीत ६०१ रुग्णांचा कोरोनामुळे मृत्यू झाला आहे. तसेच ३६ हजार १७६ रुग्ण कोरोनामुक्त झाले आहेत. राज्यात आतापर्यंत एकूण ५२ लाख १८ हजार ७६८ रुग्ण बरे झाले आहेत. आताच्या घडीला राज्यातील मृत्यूदर १.६१ टक्के इतका आहे. राज्यातील उपचाराधीन रुग्णांची एकूण ३ लाख १४ हजार ३६८ आहे.

पदोन्नतीतील आरक्षण कायम राहिले पाहिजे; ‘तो’ जीआर रद्द करायला भाग पाडू: नाना पटोले

Maharashtra reports 24,136 new COVID cases, 36,176 patient discharges, and 601 deaths in the past 24 hours

Active cases: 3,14,368
Total discharges: 52,18,768
Death toll: 90,349 pic.twitter.com/GXDG9Nx857

— ANI (@ANI) May 25, 2021

मुंबईकरांनाही दिलासादायक वृत्त

गेल्या सलग ६ दिवसांपासून राज्यातील नव्या कोरोनाबाधितांची संख्या ३० हजारांच्या खाली राहिल्याचे सांगितले जात आहे. तसेच मुंबई महापालिका क्षेत्रात कोरोना संसर्गाची दुसरी लाट वेगाने घसरताना दिसत आहे. मुंबईतील दैनंदिन रुग्णसंख्येत घट होत असून, मुंबईत गेल्या २४ तासांत १ हजार ०३७ नवीन करोनाबाधितांची भर पडली आहे. तर याच कालावधीत १ हजार ४२७ रुग्ण कोरोनावर मात करून घरी परतले आहेत. दिवसभरात मुंबईत ३७ रुग्णांचा मृत्यू झाला. त्यामुळे मृतांचा एकूण आकडा १४ हजार ७०८ इतका झाला आहे. मुंबईत कोरोनाचे २७ हजार ६४९ उपचाराधीन रुग्ण आहेत. मुंबईतील रुग्ण बरे होण्याचे प्रमाण ९४ टक्के असून, रुग्णवाढीचा दर ०.१९ टक्के इतका आहे. रुग्णदुपटीचा कालाावधी ३४५ दिवसांवर गेला आहे. 

 ५० टक्के लसीकरण पूर्ण झालं तरच लॉकडाऊन उठू शकतो, पण...; अस्लम शेख यांचे सूचक विधान

Mumbai reports 1,037 new COVID cases, 1,427 discharges, and 37 deaths in the last 24 hours

Active cases: 27,649
Total discharges: 6,55,425
Death toll: 14,708 pic.twitter.com/MTvsrnsS3r

— ANI (@ANI) May 25, 2021

दरम्यान, राज्यात एकूण ३ कोटी ३५ लाख ४१ हजार ५६५ कोरोना चाचण्या करण्यात आल्या आहेत. त्यापैकी ५६ लाख २६ हजार १५५ जणांना कोरोनाची लागण झाल्याचे निष्पन्न झाले. राज्यात २६ लाख १६ हजार ४२८ जण गृह विलगीकरणात आहेत. तर, २० हजार ८२९ जण संस्थात्मक क्वारंटाइनमध्ये आहेत.