माहीममधून मोठी बातमी! अमित ठाकरेंची आघाडी, सदा सरवणकर पिछाडीवर

Mahim Vidhan Sabha Election Result 2024 Live :

Mahim Assembly-Vidhan Sabha Election 2024 Result Live महाराष्ट्रा विधानसभा निवडणुकीचे सुरुवातीचे कल हाती येऊ लागले आहेत. यानुसार मुंबईत महायुती आघाडीवर असून माहीममध्ये राज ठाकरे यांचे सुपूत्र अमित ठाकरे आघाडीवर आहेत. शिंदे गटाचे सदा सरवणकर पोस्टल मतमोजणीत पिछाडीवर पडले आहेत. 

थोड्याच वेळात ईव्हीएम मतमोजणी सुरु होणार आहे. यामुळे पोस्टल मतांचे कल हे बदलण्याची शक्यता आहे. जवळपास २०० जागांच्या कलामध्ये महायुतीला १०३ जागा, मविआला ८५, इतर १४ जागांवर आघाडी मिळालेली आहे. 

महाराष्ट्राच्या विधानसभा निवडणुकीचा महाफैसला शनिवारी होणार असून, महायुतीचीच सत्ता पुन्हा येणार की, महाविकास आघाडी सत्तेत येणार, याचे चित्र दुपारपर्यंत स्पष्ट होणार आहे. या निमित्ताने राज्यातील दिग्गज नेत्यांची प्रतिष्ठा पणाला लागली आहे.

९ कोटी ७० लाख २५ हजार ११९ मतदारांपैकी ६ कोटी ४० लाख ८८ हजार १९५ मतदारांनी मतदानाचा हक्क २० नोव्हेंबरला बजावला होता. मतदानाची टक्केवारी ६६.०५ इतकी होती. १५८ लहान-मोठे पक्ष आणि अपक्ष असे मिळून ४ हजार १३६ उमदेवारांच्या भाग्याचा फैसला होणार आहे.