क्रांती मोर्चाच्या नियोजनासाठी बैठक

२५ सप्टेंबर रोजी काढण्यात येत असलेल्या मराठा क्रांती मूक मोर्चातील दक्षिण पुणे (धनकवडी) विभागाच्या नियोजनासाठी आढावा बैठक बुधवारी धनकवडी येथे घेण्यात आली.

धनकवडी : महाराष्ट्रातून विविध मागण्यांसाठी २५ सप्टेंबर रोजी काढण्यात येत असलेल्या मराठा क्रांती मूक मोर्चातील दक्षिण पुणे (धनकवडी) विभागाच्या नियोजनासाठी आढावा बैठक बुधवारी धनकवडी येथे घेण्यात आली.
सकल मराठा क्रांती मोर्चाच्या दक्षिण भागातील नियोजनाच्या अंतिम बैठकीसाठी परिसरातील विविध क्षेत्रांतील नागरिक, तरुण मोठ्या संख्येने उपस्थित होते.
मोर्चासाठी जाणाऱ्या नागरिकांसाठी वाहनांची व्यवस्था, रुग्णवाहिका तसेच उपस्थितांनी घ्यायची काळजी, अल्पोपाहारापासून पिण्याच्या पाण्याची व्यवस्था, स्वयंसेवक नियुक्ती व जबाबदाऱ्या अशा सर्व प्रकारच्या जबाबदाऱ्या या वेळी वाटून देण्यात आल्या. (वार्ताहर)
>मोर्चा यशस्वी करण्यासाठी सर्वांनी सहभागी होण्याचे, तसेच घालून दिलेल्या नियमाचे तंतोतंत पालन करण्याविषयी निर्देश देण्यात आले. अफवांवर विश्वास ठेवू नये, मोर्चाच्या मार्गातील स्थानिक नागरिक व व्यावसायिकांना कसल्याही प्रकारचा त्रास होऊ नये याची काळजी घावी, पोलीस यंत्रणेला सहकार्य करावे, असे आवाहन करण्यात आले.