मिनीबस-ट्रक अपघात; तिघांचा मृत्यू, १० जखमी

ट्रकने मिनीबसला धडक दिल्याने तिघे जण जागीच मृत्युमुखी पडले तर अन्य १० जण जखमी झाले़ पुणे-सोलापूर महामार्गावर

लोकमत न्यूज नेटवर्क
मंगळवेढा (सोलापूर) : ट्रकने मिनीबसला धडक दिल्याने तिघे जण जागीच मृत्युमुखी पडले तर अन्य १० जण जखमी झाले़ पुणे-सोलापूर महामार्गावर इंदापूर बाह्यवळण रस्त्याजवळ (बायपास रोड) बुधवारी सकाळी साडेनऊच्या सुमारास ही दुर्घटना घडली.
रियाज सुतार, कल्पना सुतार अशी मृतांची नावे आहेत. एकाचे नाव समजलेले नाही. जखमींवर सोलापूर व अकलूज येथील रुग्णालयात उपचार करण्यात येत आहेत़
पुण्यातील येरवडा मध्यवर्ती कारागृहात उमर सुतार यांचे हृदयविकाराने निधन झाले होते़ त्यांचे पार्थिव घेऊन नातेवाईक मिनीबसने मंगळवेढ्याकडे येत असताना हा अपघात झाला. अपघातानंतर ट्रकचालक फरार असून, त्याचा शोध सुरू असल्याचे पोलिसांनी सांगितले. लवकरच आरोपींना पकडण्यात येईल, असेही पोलिसांकडून सांगण्यात आले.