अल्पवयीन मुलीचा विनयभंग करणाऱ्यास अटक

लोकमान्यनगर पाडा क्रमांक दोन येथील एका १३ वर्षीय मुलीचा विनयभंग करणाऱ्या वैभव चौगुले (२४) याला वर्तकनगर पोलिसांनी अटक केली

ठाणे : लोकमान्यनगर पाडा क्रमांक दोन येथील एका १३ वर्षीय मुलीचा विनयभंग करणाऱ्या वैभव चौगुले (२४) याला वर्तकनगर पोलिसांनी अटक केली आहे. त्याला २२ सप्टेंबरपर्यंत पोलीस कोठडीत ठेवण्याचे आदेश ठाणे न्यायालयाने दिले आहेत.
सिद्धीविनायक चाळीत राहणारी ही मुलगी घरात बसलेली असताना १६ सप्टेंबर रोजी दुपारी ४.३०च्या सुमारास वैभवने त्यांच्या घरात शिरून तिचा विनयभंग केला. तिच्या ओरडण्याने तिची बहीण जागी झाली. ती पळतच घराबाहेर गेली. जाताना तिने घराला बाहेरून कडी लावली. तरीही त्याने हा प्रकार सुरूच ठेवला. अखेर तिच्या नातेवाईकांनी याप्रकरणी वर्तकनगर पोलीस ठाण्यात याप्रकरणी रात्री त्याच्याविरुद्ध गुन्हा दाखल केला. त्यानंतर पोलिसांनी त्याला अटक केली. उपनिरीक्षक एस. एस. कुलकर्णी हे पुढील तपास करीत आहेत. (प्रतिनिधी)