Gajanan Kale : "शिवतीर्थावरच्या टोमणे मेळाव्यासाठी मांडवली झाली म्हणे... मी तुझ्याकडे, तू माझ्याकडे गर्दी कर"
By ऑनलाइन लोकमत | Published: October 3, 2022 02:19 PM2022-10-03T14:19:37+5:302022-10-03T14:31:39+5:30
MNS Gajanan Kale Slams Shivsena Uddhav Thackeray : दसरा मेळाव्यावरून मनसेने शिवसेना आणि उद्धव ठाकरेंवर निशाणा साधला आहे.
Gajanan Kale : "शिवतीर्थावरच्या टोमणे मेळाव्यासाठी मांडवली झाली म्हणे... मी तुझ्याकडे, तू माझ्याकडे गर्दी कर"
Next शिवसेनेच्या ठाकरे आणि शिंदे गटाकडून दसरा मेळाव्याची जोरदार तयारी सुरू आहे. ठाकरे गटाकडून शिवतीर्थावर ऐतिहासिक दसरा मेळावा भरवण्याची तयारी सुरू झाली आहे. तर दुसरीकडे शिंदे गटानेही मुंबईतच दसरा मेळावा घेण्यासाठी कंबर कसली आहे. अशातच आता शिवसेनेच्या दसरा मेळाव्याचा नवा टीझर रिलीज करण्यात आला आहे. "छत्रपतींनी आपल्याला शिकवलं कोणाच्या पाठीत वार करायचा नाही आणि जर कोणी पाठीत वार केला तर त्याचा कोथळा बाहेर काढल्याशिवाय राहायचं नाही" असं म्हणत शिवसेनेच्या दसरा मेळाव्याचा दमदार टीझर रिलीज करण्यात आला आहे. याच दरम्यान मनसेने खोचक टोला लगावला आहे.
दसरा मेळाव्यावरून मनसेनेशिवसेना आणि उद्धव ठाकरेंवर निशाणा साधला आहे. "शिवतीर्थावरच्या टोमणे मेळाव्यासाठी मांडवली झाली म्हणे... मी तुझ्याकडे, तू माझ्याकडे गर्दी कर" असं म्हणत हल्लाबोल केला आहे. तसेच "दसरा मेळावा यशस्वी होण्यासाठी अबू आझमी आणि ओवेसीच्या शुभेच्छांची नवाब सेना प्रमुख यांना प्रतीक्षा" असं म्हणत टीकास्त्र सोडलं आहे. मनसेचे नेते गजानन काळे यांनी खोचक टोला लगावला आहे. "शिवतीर्थावरच्या टोमणे मेळाव्यासाठी मांडवली झाली म्हणे... मी तुझ्याकडे गर्दी करणार, तू माझ्याकडे गर्दी कर" असं ट्विटमध्ये म्हटलं आहे. यासोबतच शिल्लकसेना असा हॅशटॅगही वापरला आहे.
शिवतीर्था वरच्या "टोमणे मेळाव्यासाठी" मांडवली झाली म्हणे ...
— Gajanan Kale (@GajananKaleMNS) October 3, 2022
मी तुझ्याकडे गर्दी करणार, तु माझ्याकडे गर्दी कर ... 😂#शिल्लकसेना
"शिवतीर्थावरच्या टोमणे मेळाव्यास राष्ट्रवादी व काँग्रेसच्या शुभेच्छा मिळाल्या"
गजानन काळे यांनी आपल्या ट्विटर अकाऊंटवरून याबाबत ट्विट केलं आहे. "अखेरीस शिवतीर्थावरच्या "टोमणे मेळाव्यास" राष्ट्रवादी व काँग्रेसच्या शुभेच्छा मिळाल्या ... आता लवकरच मेळावा यशस्वी होण्यासाठी अबू आझमी आणि ओवेसीच्या शुभेच्छांची नवाब सेना प्रमुख यांना प्रतीक्षा ..." असं देखील काळे यांनी आपल्या ट्विटमध्ये म्हटलं आहे. याआधीही मनसेने शिवसेना आणि उद्धव ठाकरेंवर टीका केली आहे. दसरा मेळाव्यावरून निशाणा साधला आहे.
अखेरीस शिवतीर्थावरच्या "टोमणे मेळाव्यास" राष्ट्रवादी व काँग्रेसच्या शुभेच्छा मिळाल्या ...
— Gajanan Kale (@GajananKaleMNS) October 3, 2022
आता लवकरच मेळावा यशस्वी होण्यासाठी अबू आझमी आणि ओवेसीच्या शुभेच्छांची नवाब सेना प्रमुख यांना प्रतीक्षा ...
शिवसेनेच्या दसरा मेळाव्याचा नवा टीझर
शिवसेनेने आपल्या ट्विटर अकाऊंटवरून दसऱ्या मेळाव्याचा नवा दमदार टीझर शेअर केला आहे. "एक नेता, एक झेंडा, एक मैदान... एकनिष्ठ शिवसैनिकांचा.. पारंपरिक ऐतिहासिक दसरा मेळावा! स्थळ : छत्रपती शिवाजी महाराज पार्क (शिवतीर्थ), दादर ५ ऑक्टोबर २०२२, सायं. ६.३० वा" असं ट्विटमध्ये म्हटलं आहे. शिवसेनेने याआधी देखील टीझर लाँच केला आहे. ठाकरे गटाने निष्ठेचा महासागर उसळणार असे म्हणत शिवसैनिकांना मेळाव्यासाठी उपस्थित राहण्याचे आवाहन केले आहे. निष्ठेचा सागर उसळणार, भगवा अटकेपार फडकणार, महाराष्ट्राची ताकद दिसणार या टॅगलाईनसह हा व्हिडिओ शेअर करण्यात आला आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"