नागपूर विमानतळावर तरुणीचा विनयभंग
By admin | Published: June 23, 2016 03:33 PM2016-06-23T15:33:42+5:302016-06-23T15:37:27+5:30
नागपूरमधील डॉ. बाबासाहेब आंबेडकर आंतरराष्ट्रीय विमानतळावर आईस्क्रीम पार्लर चालविणा-या तरुणीशी लज्जास्पद वर्तन करून तिचा विनयभंग केल्याप्रकरणी सोेनेगाव पोलिसांनी एकाला अटक केली.
नागपूर विमानतळावर तरुणीचा विनयभंग
Next
नागपूर, दि. २३ - नागपूरमधील डॉ. बाबासाहेब आंबेडकर आंतरराष्ट्रीय विमानतळावर आईस्क्रीम पार्लर चालविणा-या तरुणीशी लज्जास्पद वर्तन करून तिचा विनयभंग केल्याप्रकरणी सोेनेगाव पोलिसांनी एकाला अटक केली. केशव अशोक काळे (वय ३२) असे आरोपीचे नाव असून तो सावनेरजवळच्या नांदागोमुख येथील रहिवासी आहे.
पीडित तरुणी विमानतळावरील आईस्क्रीम पार्लरमध्ये काम करते. ती बुधवारी सायंकाळी पावणेसातच्या सुमारास काउंटरवर बसून होती. आरोपी केशव तेथे आला आणि त्याने तिचे दोन्ही हात पकडून तिच्याशी लज्जास्पद वर्तन केले. तरुणीने आरडाओरड केल्यानंतर सुरक्षा रक्षकांनी काळेला ताब्यात घेतले. त्याला नंतर पोलिसांच्या हवाली करण्यात आले. पीडित तरुणीने दिलेल्या तक्रारीवरून रात्री उशिरा सोनेगाव पोलिसांनी आरोपी केशव काळेला अटक केली. ही घटना कोणत्या कारणामुळे घडली त्याची चौकशी सुरू आहे.
