जयाजी सूर्यवंशी यांच्या घरासमोर आंदोलन

मुख्यमंत्री यांच्यासोबतच्या बैठकीनंतर शेतकऱ्याचा संप मागे घेण्यात आल्याची घोषणा करणारे किसान क्रांती चे समंवयक जयाजी सूर्यवंशी

ऑनलाइन लोकमत 
औरंगाबाद, दि. 4 - मुख्यमंत्री यांच्यासोबतच्या बैठकीनंतर शेतकऱ्याचा  संप मागे घेण्यात आल्याची घोषणा करणारे किसान क्रांती चे समंवयक जयाजी सूर्यवंशी यांच्या घरासमोर अखिल भारतीय छावा संघटना, संभाजी ब्रिगेड , मावळा संघटनेच्या पदाधिकाऱ्याननी रविवारी सकाळी धडक मारली . किसान क्रांतीच्या पदाधिकारी यांची बैठक जयाजी घरी घेउ शकतात यामुळे त्यांना गाठून जाब विचारण्यासाठी विविध  मराठा संघटनेचे पदाधिकारी बीडबायपास रोड परीसरातील जयाजीच्या घरी गेले  होते .  यावेळी जयाजी हे घरी नसल्याने पदाधिकाऱ्यानी तेथे टमाटे  , भेंडी  , कांदे फेकून निदर्शने  केली . जयाजी यांच्याविरोधात घोषणाबाजी करण्यात आली . जयाजी च्या घरावर कार्यकर्ते हल्ला करणार असल्याचे कळाल्याने पोलिसांनी घराबाहेर  बंदोबस्त लावला ..यावेळी आप्पासाहेब कुढेकर, संजय सावंत , रमेश गायकवाड , यांच्यासह मराठा संघटनेचे कार्यकर्ते  यावेळी उपस्थित होते .