Mumbai-Pune Highway Accident: मुंबई-पुणे एक्सप्रेसवेवर भीषण अपघात, 11 गाड्या एकमेकांवर आदळल्या; पाहा धक्कादायक Video...

Mumbai-Pune Highway Accident: पुणे-मुंबई द्रुतगती मार्गावर झालेल्या अपघातात अनेकजण जखमी झाले आहेत.

Mumbai-Pune Highway Accident:मुंबई-पुणे एक्स्प्रेस वेवर आज भीषण आणि विचित्र अपघात झाला आहे. एकामागून एक 11 वाहने एकमेकांवर आदळली आहेत. हा अपघात इतका भीषण होता की, अनेक कारचा चक्काचूर झाला आहे. या घटनेत अनेक जण जखमी झाले आहेत. जखमींना उपचारासाठी रुग्णालयात दाखल करण्यात आले आहे. या घटनेमुळे द्रुतगती मार्गावरील वाहतूक विस्कळीत झाली आहे.

पुणे-मुंबई द्रुतगती मार्गावर आज हा विचित्र अपघात पाहायला मिळाला. खोपोली एक्झिटजवळ हा अपघात झाल्याची माहिती आहे. सुदैवाने या अपघातात कोणतीही जीवितहानी झालेली नाही. अपघातामुळे वाहतूक काही काळासाठी ठप्प झाली आहे. या घटनेचा एक व्हिडिओही समोर आला आहे. यात अनेक गाड्या एकमेकांवर आदळल्याचे दिसत आहे. यात ट्रकही कारला धडकल्याचे दिसत आहे. 

पाहा Video:-

#WATCH | Collision of 7 vehicles on Mumbai-Pune Expressway at Khopoli, four people injured#Maharashtrapic.twitter.com/lIIuClOERx

— ANI (@ANI) April 27, 2023

या घटनेत अनेक जण जखमी झाले आहेत. त्यांना उपचारासाठी जवळच्या रुग्णालयात दाखल करण्यात आले आहे. NHAI टीम व्यतिरिक्त पोलीसही घटनास्थळी पोहोचले आहेत. एक्स्प्रेस वेवर जाम होऊ नये म्हणून हळूहळू वाहने हटवली जात आहेत. त्याचबरोबर अपघातग्रस्त वाहने मुख्य रस्त्यावरून हटविण्याचे कामही करण्यात येत आहे. हा अपघात नेमका कोणत्या कारणामुळे झाला, याबाबत माहिती मिळालेली नाही.