नाशिकमध्ये झाडावर कार आदळून तीन ठार तर दोन गंभीर जखमी

नाशिक - नाशिकरोड परिसरातील शिखरेवाडी अंधशाला बसस्टॉपजवळ रस्त्यामध्ये असलेल्या झाडावर रविवारी (दि.15) मध्यरात्री कार आदळून झालेल्या भीषण अपघात तीन जण जागीच ठार तर दोन गंभीर जखमी झाल्याची घटना घडली. मृतांमध्ये रिपाई पदाधिकारी महिलेचा समावेश आहे.

पोलिसानी दिलेल्या माहितीनुसार रिपाईच्या पदाधिकारी प्रीती भालेराव, पूजा भोसले व अन्य तीन जण कारने
(MH - 01, AE- 2436) जात होते. त्यांची कार शिखरेवाडी अंधशाला बसस्टॉपजवळील रस्त्यामध्ये असलेल्या झाडावर जाऊन आदळली. या भीषण अपघातात रिपांईच्या प्रीति भालेराव, पुजा भोसले व एक युवक या तिघांचा जागीच मृत्यू झाला . तर दोन जण गंभीर जखमी झाले असून त्यांना उपचारासाठी रुग्णालयात दाखल करण्यात आले आहे.

दरम्यान , घटनास्थळी पोलीस दाखल झाले होते.